Әділбек Рыскелдіұлы Жақсыбеков
Үлгі:Мемлекеттік қайраткер Әділбек Рыскелдіұлы Жақсыбеков (26 шілде 1954, Бөрлі, Қарабалық ауданы, Қостанай облысы) — қазақстандық кәсіпкер, мемлекет қайраткері, сценарийші, экономика ғылымдарының кандидаты.
2004—2008, 2016–2018 жылдары Қазақстан Президенті Әкімшілігінің басшысы, 1997—2003 және 2014–2016 жылдары Астана әкімі, Мемлекеттік хатшы (2014) және Қорғаныс министрі (2009–2014) сияқты лауазымдарының иегері.
Мазмұны
Биографиясы
Қыпшақ тайпасының Қарабалық руынан шыққан. 1954 жылы шілденің 26-ында Қостанай облысында туған.
1978 ж. Бүкілодақтық кинематография (Мәскеу қаласы) мемлекеттік университетін тәмамдаған, 1987 ж. Плеханов атындағы халық шаруашылығы институтында «материалдық-техникалық жабдықтаудың ұйымдастырушысы» мамандығы бойынша қайта даярлықтан өткен.
- Қазақ КСР Мемкино жүйесінде, материалдық-техникалық жабдықтау органдарында жұмыс істеп, кәсіпорындарға басшылық еткен.
- 1988—1995 жж. көпсалалы «Цесна» корпорациясының басшысы.
- 1995 ж. Қазақстан Республикасы Парламенті Сенатына депутат болып сайланады.
- 1996 ж. Ақмола облысы әкімінің орынбасары қызметіне тағайындалады.
- 1997 ж. желтоқсанынан 2003 ж. маусымына дейін Астана қаласының әкімі.
- 2003 ж. шілдесінен 2004 ж. желтоқсанына дейін Қазақстан Республикасы Индустрия және сауда министрі.
- 2004 ж. желтоқсанынан Қазақстан Республикасы Президенті Әкімшілігінің басшысы.
- 2008 ж. қаңтарынан қазанына дейін Қазақстан республикасы президентінің кеңесшісі әрі Нұр Отан халықтық демократиялық партиясы төрағасының бірінші орынбасары.
- 2008 ж. қараша айынан Қазақстан Республикасының Ресей Федерациясындағы Төтенше және Өкілетті Елшісі.
- 2009-2014 жылдары – Қазақстан Республикасының Қорғаныс министрі.
- 2014 жылғы сәуір мен қазан аралығында – Қазақстан Республикасының Мемлекеттік хатшысы.
- 2014-2016 жылдары – Астана қаласының әкімі. 2015 жылғы маусымнан тамызға дейін әкім қызметімен қатар «Астана ЭКСПО-2017» ұлттық компаниясын басқарды.
- 2016-2018 жылдары - Қазақстан Республикасы Президенті Әкімшілігінің Басшысы. Зейнет жасына жетуіне байланысты лауазымынан босатылды.<ref>А.Джаксыбеков возглавил АО «Корпорация «Цесна»</ref>
Қосымша лауазымдары
- 2018 жылғы қыркүйектен 2019 жылға дейін — «Цесна» корпорациясы» АҚ Директорлар Кеңесінің төрағасы.
- 2020 жылғы қарашадан 2022 жылғы ақпанға дейін – «ҚазТрансГаз» АҚ Директорлар Кеңесінің төрағасы.<ref>Адильбек Джаксыбеков ушел с поста председателя Совета директоров QazaqGaz</ref>
- 2016-2024 жылдары - Қазақстан Ұлттық олимпиада комитетінің жеңіл спорт түрлері жөніндегі вице-президенті.<ref>Данияр Абулгазин избран Вице-президентом НОК РК по летним видам спорта</ref>
- 2016-2018 жылдары - Қазақстан Жеңіл атлетика федерациясының президенті.
- 2007-2014, 2018-2022 жылдары - Қазақстан Футбол федерациясының президенті.<ref>Адильбек Джаксыбеков возглавил Казахстанскую федерацию футбола</ref>
Кітаптары
- 2000 — «Зажечь звезду — столицу»
- 2008 — «Так начиналась Астана. Записки первого акима столицы»
Фильмдері
- 2009 — «Прыжок Афалины» фильмінің сценарий авторы<ref>Прыжок Афалины</ref>
- 2014 — «Заговор Оберона» фильмінің сценарий авторы<ref>Заговор Оберона</ref>
- 2018 — «Елбасы жолы. Астана» фильмінің сценарий авторы
Марапаттары
«Қазақстан Республикасының Тұңғыш Президенті Нұрсұлтан Назарбаев», III дәрежелі «Барыс» ордендерiмен, басқа да үкіметтік наградалармен марапатталған.
Әскери атағы
Әскери атағы - запастағы полковник.
Сүйіп оқитын әдебиеті
Сүйіп оқитын әдебиеті - тарихи және көркем проза, поэзия (А. Құнанбаев, Ш. Айтматов, Э. Хэмингуэй және басқалары).
Отбасы
Үйленген. Жұбайы - Ләззат Ибрагимқызы Жақсыбекова (1955—2023), экономист. Ұлы - Дәурен Жақсыбек (1978 жылы туған).<ref>Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2</ref><ref>Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3</ref> Інісі - Серік Жақсыбеков (1956 жылы туған), Сенат депутаты (2014—2020).
