Серік Қарабекұлы Төлбасы

Қазақ Энциклопедиясы жобасынан алынған мәлімет
Мұнда ауысу: шарлау, іздеу

Үлгі:Тұлға Серік Қарабекұлы Төлбасы (1965 жылы 17 қыркүйекте туған, Қызылорда) — қазақстандық кәсіпкер<ref>Үлгі:Cite web</ref>, меценат<ref>Үлгі:Cite web</ref><ref>Үлгі:Cite web</ref>, «Серік Төлбасы қоры» қайырымдылық қорының жалғыз құрылтайшысы (2007 жылы құрылған), «Tennis League TS» жеке қорының негізін қалаушы және құрылтайшысы (2022 жылы құрылған), «IQanat» білім беру қорының облыстық қамқоршысы (Түркістан облысы). TS Development компаниялар тобының негізін қалаушы.

Өмірбаяны

1965 жылы 17 қыркүйекте Қазақ КСР Қызылорда қаласында дүниеге келген. Дулат руынан шыққан.

Алты жасында оның отбасы Шымкент қаласына көшіп келіп, Алпамыс батыр атындағы № 40 мектепті үздік бітірді.

1984-1986 жылдары зымыран әскерлерінің сержанты атағымен әуе шабуылына қарсы қорғаныс әскерлерінде қызмет етті.

1989 жылы Алматы теміржол көлігі инженерлері институтын «Өнеркәсіптік және азаматтық құрылыс» мамандығы бойынша үздік бітірді. Кейін сол институтта көпір салу зертханасында кіші ғылыми қызметкер болып жұмыс істеді.

1990-1992 жылдары Ресей Федерациясы, Мәскеу қаласында В.А. Кучеренко атындағы орталық құрылыс конструкциялары ғылыми-зерттеу институтында аспирантурада оқыды.

1992 жылы TS Development компаниялар тобын құрды.

1992 жылдан 2020 жылға дейін TS Development компаниялар тобы 485 000 шаршы метр коммерциялық жылжымайтын мүлік салды. Жобаларға салынған инвестициялардың жиынтық көлемі 624 000 000 АҚШ долларын құрады. Топтың іске асырылған жобаларына Crystal Air Village (Алматы қ.) коттедж қалашығы, Fidelity фитнес-орталығы (Алматы қ.), Шаляпин көшесінен батыс бағыттағы автомобиль жолы (Алматы қ.), «Аэлита» және «Bukhar Zhyrau Towers» элит-класты тұрғын үй кешендері, (Алматы қ.), «Кең Дала» (Алматы қ.) және Atyrau Plaza (Атырау қ.) бизнес-орталықтары, «Спутник» (Алматы қ.), «Dostyk Plaza» (қ. Алматы) және «Shymkent Plaza» (Шымкент қ.) сауда ойын-сауық орталықтары жатады.

2020 жылдың қыркүйегінен бастап Cерік Төлбасы TSPM. (TS Property Management) консалтингтік компаниясының құрылтайшысы және Директорлар кеңесінің төрағасы болып табылады.

Forbes журналының мәліметі бойынша, 2023 жылы Қазақстанның ең бай 50 бизнесменінің тізімінде 34-ші орында тұр.

Сол дереккөзге сәйкес, Төлбасы активтерінің құны 2023 жылдың мамырында 220 миллион АҚШ долларын құрайды.

2022 жылы Forbes нұсқасы бойынша Қазақстанның 10 ірі рантье рейтингінде 3 орын алды.<ref>Үлгі:Cite web</ref>

2022 жылы «Tennis League TS» жеке қорын құрды, оның негізінде TS Теннис лигасы немесе TLTS құрылды. TS Теннис лигасының қызметі әуесқой теннисті дамытуға және Қазақстанда ерлер арасындағы жұптық разрядта шеберлік деңгейін арттыруға бағытталған. 1

2007 жылы денсаулық сақтау, білім беру, спорт және мәдениет салаларындағы әлеуметтік маңызы бар жобаларға қолдау көрсететін «Серік Төлбасы қоры» қорын құрды.

2016 жылы «Серік Төлбасы қоры» стартаптарды қолдау мақсатында StartTime краудфандингтік платформасын іске қосты.

2018 жылдан бастап Қазақстан Республикасы Түркістан облысының IQanat қорының облыстық қамқоршысы болып табылады, ол ауыл оқушылары мен мұғалімдерін қолдауға бағытталған әлеуметтік-білім беру жобалары мен бағдарламаларын іске асырады.

«Серік Төлбасы қоры» 2018 жылы британдық пианист Джон Ленеханның орындауындағы Celestial неоклассикалық жанрындағы альбомын таныстырған Еркеш Шакеевтің музыкалық жобасын қолдады.

2020 жылы COVID-19 коронавирустық індетімен күресте «Серік Төлбасы» қоры медициналық мекемелерге көмек көрсету туралы үндеуге алғашқылардың бірі болып үн қосты. Қор Алматы қаласының Қоғамдық денсаулық сақтау басқармасына коронавирусты анықтауға арналған экспресс-тесттер сатып алуға және өкпені жасанды желдету құралдарын сатып алуға 25 миллион теңге бөлді. 2
«Мен ел үшін қиын-қыстау кезеңде әлеуметтік белсенді бизнес ел азаматтарын қолдаудың драйвері болуы керек деп сенемін. Біз барлығын коронавируспен күресте бірігуге және үкіметке мәселені шешуге көмектесуге шақырамыз. Уақытты жоғалтуға болмайды. Дәл қазір әрекет ету керек», – деп Серік Төлбасы өз пікірімен бөлісті. 3
Сол жылы «Серік Төлбасы қоры» «Планета» әні – музыкалық жобасына бастамашылық жасап, қаржыландырды. 4

2021 жылы «Серік Төлбасы» қоры Шымкент қаласында бірқатар спорт алаңдарын салуға 100 млн теңгеден астам қаражат бөлді. 5

Отбасы

Жұбайы – Гүлнар Ермекқызы Төлбасы (Байтураева) (1990 ж. б.).

Балалары – Әлішер Төлбасы (1991 ж.т.), Алихан Төлбасы (1997 ж.т.), Алуа Төлбасы (2003 ж.т.), Арманжан Төлбасы (2009 ж.т.).

Марапаттар мен сыйлықтар

Мемлекет Күні Марапаттар мен сыйлықтар
Үлгі:KAZ 2015 «Құрметті құрылысшы» ведомстволық наградасы және құрмет белгісі
Үлгі:KAZ 2016 Қазақстан Тәуелсіздігінің 25 жылдығына арналған мерейтойлық медалі
Үлгі:KAZ 2018 «Астана 20 жыл» мерейтойлық медалі
Үлгі:KAZ 2019 «Шымкент қаласының құрметті азаматы» атағы
Үлгі:KAZ 2021 «Парасат» ордені

Дереккөздер

Үлгі:Дереккөздер

Сілтемелер

«https://kk.encyclopedia.kz/index.php?title=Серік_Қарабекұлы_Төлбасы&oldid=141454» бетінен алынған