Гүлшара Әбутәліпқызы Сарықұлова

Үлгі:Суретші Гүлшара Әбутәліпқызы Сарықұлова (15.06.1925 жыл, Сырдария аймағы, Шәуілдір ауданы) - Өнертану ғылымдарының кандидаты (1963). ҚР Көркемөнер академиясының толық мүшесі. Қазақ.

Өмірбаяны

• Орта Азия мемлекеттік университетінің тарихи факультетінің өнертану бөлімін бітірген (Ташкент қаласы, 1953).
• 1953 жылдан - Т.Г. Шевченко атындағы Мемлекеттік көркемсурет галереясының ғылыми қызметкері.
• 1957 жылдан - ҚазКСР Мәдениет министрлігінің бірегей инспекторы.
• 1959 жылдан - ҚазКСР ҒА жанындағы Тіл білімі және әдебиет институтының аспиранты.
• 1961 жылдан - М. Әуезов атындағы Әдебиет және өнері институтының бейнелеу және халықтың қолданбалы өнері бөлімінің кіші ғылыми қызметкері, аға ғылыми қызметкері,
• 1971 жылдан 1990 жылдары - меңгерушісі.

Шығармашылығы

Қазақстанның тарихында бірінші болып өнертану саласы бойынша кандидаттық диссертация қорғады. Қазақстандық өнертанудың ғылым ретінде дамуына негіз салды.

• Қазақстанның графикасы жайлы алғашқы монографиялық және жалпылама еңбектердің; «Евгений Сидоркин», «Антощенко-Оленев» кітаптарының;
• «Қазақстанның графикасы» іргелі монографиясының;
• Ә. Қастеевтің, С. Мәмбеевтің, С. Айтбаевтың және т.б. шығармашылығы туралы мақалалардың авторы.
• Оның жетекшілігімен «Қазақстанның бейнелеу өнері» (1963), «Қазақстанның бөйнелеу өнері тарихының очерктері» (1978) еңбектері, «Қазақстанның бейнелеу өнөрінің шеберлері» циклының кітаптары (1972, 1984) жарық көрді.

Қоғамдық қызметі

ҚР Суретшілер одағының мүшесі.

Марапаттары

• «Еңбектегі озаттығы үшін» медалі
• «Еңбек ардагері» медалі
• «Ұлы Отан соғысындағы жеңіске 60 жыл» медалі;
• ҚазКСР ҒА Президиумының мерейтойлық грамотасын;
• ҚазКСР Жоғары Кеңес Президиумының Құрмет грамотасымен марапатталған.

Отбасы

Тұрмыста. Жұбайы - Арыстанбек Сатымбеков (1930 жылы туған), зейнеткер, ҰОС қатысқан, ҚР Еңбек сіңірген экономисі.<ref>Қазақстан Республикасында кімнің кім екені. Екі томдық анықтамалықаласы Алматы, 2011 жыл. ISBN 978-601-278-473-2</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

Дереккөздер

<references/>