Нұсқалар арасындағы айырмашылық: "Раушан Жаңабергенқызы Қажыбаева"
(Көрнекілік) |
ш (1 түзету) |
(айырмашылығы жоқ)
| |
11:38, 2026 ж. маусымның 26 кезіндегі нұсқасы
Раушан Жаңабергенқызы Қажыбаева (3 қазан 1978 жыл, Есіл қаласы) — қазақстандық журналист және медиа менеджері, 2019 жылдан бастап Президент телерадиокешенінің директоры. 2008–2016 жылдары Парламент Сенатының, Үкіметтің, Қорғаныс министрлігінің және «Қазақстан темір жолы» ұлттық компаниясының баспасөз хатшысы болған.
Өмірбаяны
Раушан Қажыбаева 1978 жылғы 3 қазанда бұрынғы Торғай облысының Есіл қаласында дүниеге келген. 1999 жылы Л.Н. Гумилёв атындағы Еуразия университетін журналист мамандығы бойынша тәмамдаған. 2021 жылы Швейцариядағы халықаралық бизнес мектебінде адам ресурстарын басқару бойынша Advanced Studies магистрі дәрежесін алған.
Еңбек жолын 1999 жылы КТК арнасының Астанадағы корреспонденттік бекетінде репортёр болып бастаған. Кейін 2007 жылға дейін Қазақстан арнасының ақпараттық-сараптамалық бағдарламалар дирекциясы директорының орынбасары, орыс редакциясының бас редакторы болып жұмыс істеген.<ref>Кадровые перестановки</ref>
2007–2008 жылдары Парламент Сенатының төрағасы Қасым-Жомарт Тоқаевтың кеңесшісі, 2008–2012 жылдары Сенаттың баспасөз хатшысы болды.
2012–2014 жылдары Премьер-министр Серік Ахметовтің баспасөз қызметінің басшысы және баспасөз хатшысы, 2014 жылы Қорғаныс министрлігінің Бұқаралық ақпарат құралдарымен жұмыс департаментінің басшысы болып қызмет атқарды.
2014–2016 жылдары Қазақстан темір жолының Қоғаммен байланыс департаментінің директоры, 2016–2019 жылдары Премьер-министрдің бірінші орынбасары және 2019 жылы Премьер-министр болған Асқар Маминнің кеңесшісі болды.
2019 жылғы 26 тамызда Президент телерадиокешенінің бас директоры болып тағайындалды.<ref>Президент телерадиокешенінің бас директоры тағайындалды</ref> 2023 жылғы қыркүйектен бастап Президент телерадиокешенінің директоры болып қызмет атқарады. 2022 жылдан бастап телерадиокешен Қажыбаеваның басшылығымен өз телеарнасы, радиосы және халықаралық ақпарат агенттігі бар ірі медиа компанияға айналды.
2026 жылғы ақпанда Конституциялық реформа жөніндегі комиссияның мүшесі болды.<ref>Конституциялық реформа жөніндегі комиссияны (Конституциялық комиссия) құру туралы</ref> 2026 жылғы мамырда жаңадан құрылған Әділет партиясына қосылып, партияның саяси кеңесіне мүше болып сайланды.<ref>Айбек Дадебай возглавил партию «Әділет»</ref>
Отбасы
Тұрмыста, 3 баласы бар.
Қажыбаева бұқаралық ақпарат құралдарының мәліметі бойынша кәсіпкер Гаджи Гаджиевке тұрмысқа шыққан (немесе азаматтық некеде).<ref>Раушан Кажибаева подаст в суд за клевету об аресте ее супруга</ref> Гаджи Шапиевич 1974 жылы Дағыстанның Буйнакск қаласында туғанымен, балалық шағын Жаркент қаласында өткізген.<ref>Гаджи Гаджиев: Спорт - кузница патриотов</ref> Гаджиев 2024 жылдан бастап Қазақстан ауыр атлетика федерациясын басқарады, 2025 жылдан бастап ол — Ұлттық олимпиада комитетінің жалпы мәселелер жөніндегі вице-президенті.<ref>Гаджиев Гаджи Шапиевич (персональная справка)</ref>
Марапаттары
8 медальмен, оның ішінде «Ерен еңбегі үшін» медалімен (2009) марапатталған. «Құрмет» және «Парасат» (2024) орденінің иегері.
