Қаратау шөмішгүлі
Қазақстан Энциклопедиясы жобасынан алынған мәлімет
Қаратау шөмішгүлі (лат. Aquilegia karatavica)<ref>Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5</ref> - сарғалдақтар тұқымдасы, шөмішгүл туысына жататын көп жылдық шөптесін өсімдік.
Ботаникалық сипаты
- Биіктігі 15-35 см, сырты қабыршықты.
- Сабағында жапырағы аз болады. Жапырақтары ұзын сағақты, домалақ әрі жалпақ үш қалақшаға бөлінген.
- Гүлінің диаметрі 4-5 см, тостағанша жапырақтары көкшіл, қандауыр тәрізді, сүйір келген. Күлтесі ақшыл көк түсті, ұшы доғал келген, 3-5 жапырақ тәрізді жемісінің сыртында бездері, көлденең қыртыстары болады.
- Тұқымы арқылы көбейеді. Маусым-шілде айында гүлдеп, тамызда жемісі піседі.
Өсетін жері мен таралуы
Қаратау жотасында (Оңтүстік Қазақстан, Жамбыл облысы) ғана санаулы түрде кездеседі. Теңіз деңгейінен 2000 м-ге дейінгі биіктікте, таудың көлеңкелі шатқалдарында, тік құздарда өседі. Сирек кездесетін эндемик, Қазақстанның Қызыл кітабына енгізілген.
Дереккөздер
<references/>