Қаратау жалғанбозкілемі
Қазақстан Энциклопедиясы жобасынан алынған мәлімет
Қаратау жалғанбозкілемі (лат. Pseudosedum karatavicum)<ref>Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5</ref> - жасаңшөптер тұқымдасы, жалғанбозкілем туысына жататын көп жылдық шөптесін өсімдік.
Ботаникалық сипаты
- Биіктігі 5-10 см, өте жақсы жетілген тамыры болады.
- Сабағы көп, қарапайым.
- Бұтақтарына қалың орналасқан жапырақтары таспа сияқты. Тостағанша жапырақшалары (ұзындығы 5-7 мм) таспа немесе қандауыр тәрізді үшкір бөліктерге бөлінген.
- Күлтелері (ұзындығы 1 см-дей) қызғылт түсті, қоңырауға ұқсас.
- Тұқымынан көбейеді. Мамыр айында гүлдеп, маусымда жемістенеді.
- Жемісі - қандауыр тәрізді жапырақшалар.
Өсетін орны мен таралуы
Қазақстанда тек Қаратау жотасында (Оңтүстік Қазақстан, Жамбыл облыстары) кездеседі.
Қаратау жалғанбозкілемі - өте сирек кездесетін эндемик түр. Сондықтан қорғауға алынып, Қазақстанның Қызыл кітабына енгізілген.
Дереккөздер
<references/>