Төлен Әбдік
Қазақстан Энциклопедиясы жобасынан алынған мәлімет
Төлен Әбдік (04.09.1942 ж., “Еңбек” ауылы, Жангелді ауданы, Қостанай облысы) — жазушы, драматург, қоғам қайраткері.
Өмірбаяны
- Қазақ мемлекеттік университетін бітірген (1965).
- “Қазақстан пионері” (қазіргі “Ұлан”) газетінде әдеби қызметкер, бөлім меңгерушісі, “Жалын” альманағында бөлім меңгерушісі, бас редактордың орынбасары
- 1977 — 79 жылы “Қазақфильм” киностудиясының бас редакторы, Қазақстан КП ОК-інде нұсқаушы, сектор меңгерушісі, онан кейінгі кездері “Қазақ әдебиеті" газетінің бас редакторы, Қазақстан жазушылар одағына 2-хатшысы болды.
- 1994 ж. ҚР Президентінің көмекшісі болып тағайындалды.
- 1997 жылдан ҚР Президенті аппаратында ішкі саясат бөлімі меңгерушісінің орынбасары.
Шығармалары
- Төлен Әбдіковтің "Райхан" атты тұңғыш әңгімесі жас жазушылардың “Таңғы шық” әңгімелер жинағында (1964) жарияланды.<ref>“ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>
Сонан бергі кезеңде
- “Көкжиек” (1969)
- “Күзгі жапырақтар” (1971)
- “Ақиқат” (1974)
- “Айтылмаған ақиқат” (1980) атты әңгімелер мен повестер жинақтары
- Қазақстандағы ұжымдастыру науқанының қасіретін суреттеуге арналған “Өліара” (1985)
- “Ақшоқыда қыс қатты” (1987) романдары, таңдамалы шығармаларының бір томдығы жарық көрді.
- “Біз үшеу едік” атты драма шығармасы Ғ.Мүсірепов атындағы Жастар және жасөспірімдер театрында қойылды.
- “Ақиқат” атты кітабы орыс тіліне (1981), жекелеген әңгіме, повестері украин, өзбек, қырғыз тілдеріне тәржімаланды. Әбдіков шығармалары адам мінезінің құпия сырларына үңілуі, өмірдің мән-мағынасына философия тұрғыдан қарауымен ерекшеленеді.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл</ref>
Жеке қасиеттері
- Жастық шағында еркін күрестен спорт шеберлігін орындаған.
- Сондай-ақ, домбырашылар оркестрінде күйші болған.
Дереккөздер
<references/>
