Нұрлан Асқарұлы Ноғаев

Үлгі:Мемлекеттік қайраткер Нұрлан Асқарұлы Ноғаев (30 шілде 1967 жыл, Октябрьск) — қазақстандық саясаткер, 2024 жылғы маусымнан Қазақстанның Түрікменстандағы Төтенше және Өкілетті елшісі.<ref>Үлгі:Cite web</ref>

Бұрын Ноғаев Маңғыстау облысының әкімі (2021–2024), Энергетика министрі (2019–2021), Атырау облысының әкімі (2016–2019) және Батыс Қазақстан облысының әкімі (2012–2016) лауазымдарында болған.

Жастық шағы және білімі

Жетіру тайпасының Табын руынан шыққан.<ref>Үлгі:Cite web</ref>

• Білімі жоғары, И.Губкин атындағы Мәскеу мемлекеттік мұнай және газ академиясы.
• Қазақ мемлекеттік басқару академиясы,
• Ресей Сыртқы істер министрлігі жанындағы "Халықаралық қатынастар университеті" Мәскеу мемлекеттік институты, тау-кен инженері, экономист, халықаралық қатынастар маманы, әкімшілік іскерлік жөніндегі шебер мамандықтары бойынша бітіріп шыққан.
• Орыс, түрік, ағылшын тілдерін еркін меңгерген.

Биографиясы

• Еңбек жолын Ақтөбе облысы, Қандыағаш станциясында электр шебері болып бастаған.
• 1993–1995 жылдары - Мәскеу қаласындағы "Гили- Паскер" ЖШС-ында мұнай өнімдері жөніндегі аға сарапшы, бөлім бастығы, бас директор.
• 1995–1996 жылдары - Алматы қаласындағы "Отрар Лтд" шағын кәсіпорны бас директорының орынбасары.
• 1996–2006 жылдары - "Қазақтүрікмұнай" ЖШС-ында маркетинг жөніндегі инженер, мұнай және мұнай өнімдерін сату, маркетинг бөлімінің бастығы, бас директор.
• 2006 жылдың ақпан айынан бастап "ҚазМұнайГаз Ұлттық компаниясы" АҚ-ның атқарушы директоры.
• 2006 жылдың тамыз айынан ҚР Энергетика және минералды ресурстар министрлігі мұнай өнеркәсібі департаментінің директоры болып істеген.
• 2007 жылдың қыркүйегінен 2010 жылдың сәуір айына дейін - Батыс Қазақстан облысыәкімінің орынбасары.
• 2010 жылдың сәуір айынан 2012 жылдың қаңтарына дейін - Батыс Қазақстан облысы әкімінің бірінші орынбасары.
• 2012 жылдың 20 қаңтарында Мемлекет Басшысының Жарлығымен Батыс Қазақстан облысының әкімі болып тағайындалды.
• 2016 жылғы 26 наурыздан – 2019 жылдың 16 желтоқсанына дейін Атырау облысының әкімі.<ref> Атырау облысына жаңа әкім тағайындалды</ref>
• 2019 жылғы 16 желтоқсаннан - 2021 жылдың қыркүйегіне дейін Қазақстан Республикасының Энергетика министрі болып тағайындалды.<ref>Нұрлан Ноғаев энергетика министрі болып тағайындалды Үлгі:Webarchive</ref>
• 2021 жылғы 7 қыркүйектен Маңғыстау облысының әкімі болып тағайындалды.<ref>Нұрлан Ноғаев Маңғыстау облысының әкімі болып тағайындалды</ref> 2024 жылы 16 мамырда облыс әкімі қызметінен босатылды.
• 2024 жылғы 20 маусымда Қазақстанның Түрікменстандағы елшісі болып тағайындалды.

Марапаттары

• 2010 жылы Құрмет ордені;
• "Төтенше жағдайлардың алдын алуда және жоюда үздік шыққаны үшін" медалі;
• "Қазақстан Республикасының Тәуелсіздігіне 20 жыл" мерекелік медалі;

Дереккөздер

<references/> Үлгі:Асқар Маминнің министрлер кабинеті