Дәулет Тазабекұлы Ембердиев

Дәулет Тазабекұлы Ембердиев (24 желтоқсан 1970, Қасқасу, Түркістан облысы) – қазақстандық мемлекет қайраткері, дипломат. II сыныпты Төтенше және Өкілетті Уәкіл.

Өмірбаяны

1970 жылы 24 желтоқсанда қазіргі Түркістан облысының Қасқасу ауылында дүниеге келген. 1993 жылы "қазақ тілі мен әдебиеті, араб тілі оқытушысы" мамандығы бойынша Әл-Фараби атындағы Қазақ Ұлттық Университетін бітірді.

• 1993-2008 жылдары – Қазақстанның Өзбекстандағы, Израильдегі елшіліктерінде-атташе, үшінші хатшы, СІМ орталық аппаратының екінші хатшысы, бірінші хатшы, кеңесші; Иранда - кеңесші, Қазақстанның Горгандағы Бас консулы, Қазақстанның Ливандағы дипломатиялық миссиясының істеріндегі уақытша сенімді өкіл (1993-2008);
• 2008-2009 жылдары – ҚР Президенті Әкімшілігінің Сыртқы саясат орталығының сектор меңгерушісі.;
• 2009-2010 жылдары — "Самұрық-Қазына Инвест" ЖШС Басқарушы директоры;
• 2010-2011 жылдары – ҚР Иран Ислам Республикасындағы Елшілігінің кеңесшісі, бас консулы;
• 2011-2016 жылдары – ҚР Ливан Республикасындағы уақытша сенімді өкілі.;
• 2016-2019 жылдары – БҰҰ жанындағы ҚР Тұрақты өкілдігінің кеңесшісі, Нью-Йорк қаласы;
• 2019 жылдан 2020 жылға дейін Қазақстан Республикасының Кувейт Мемлекетіндегі Төтенше және Өкілетті Елшісі қызметін атқарды.<ref>https://kaz.tengrinews.kz/kazakhstan_news/daulet-emberdiev-kazakstannyin-kuveytteg-elshs-bolyip-299116/</ref>