Айя Шалқар

Айя Шалкар (шын есімі — Аяулым Шалқар, 1996 жылы 29 қаңтарда Алматыда туған) — қазақстандық график-дизайнер, суретші, модель және киноактриса. Ол заманауи қазақ мәдениеті мен визуалды өнерін халықаралық деңгейде танытып жүрген өнерпаз ретінде белгілі<ref>Үлгі:Cite web</ref>.

Өмірбаяны

Айя Шалкар Алматы қаласында дүниеге келген. Мектеп қабырғасында жүргенде-ақ өзінің ерекше сырт келбетімен және шығармашылық қабілетімен көзге түсті. Алматы қаласындаңы №159 мектептің түлегі.

Страсбургте (Франция) қолданбалы өнер мектебінде оқып, кейін Венадағы (Австрия) Қолданбалы өнер университетінде (Die Angewandte) «Графикалық дизайн» мамандығы бойынша бакалавр дәрежесін алды.

Шығармашылығы

Айяның танымалдылығы әлеуметтік желілердегі блогынан басталды. Оның ерекше стилі мен эстетикасы миллиондаған аудиторияның назарын аударды. Ол бірнеше мәрте Forbes Kazakhstan және өзге де халықаралық сән журналдарының мұқабасына шықты. Ол Louis Vuitton, Chanel секілді әлемдік брендтермен әріптестік орнатып, сән әлеміндегі Қазақстанның заманауи бейнесіне айналды.

2010-жылдардың ортасында ол өзінің «Аshaya» киім брендін іске қосты.

Соңғы жылдары Айя Шалкар өзін медиа-суретші ретінде танытып жүр. Ол толықтырылған шынайылық (AR) сүзгілерін жасаумен, цифрлық өнермен және дәстүрлі кескіндемені технологиямен біріктірумен айналысады. Оның туындыларында қазақ мифологиясы, әйел теңдігі және ұлттық бірегейлік мәселелері жиі көтеріледі.

Кино мансабы

Айя Шалкар актриса ретінде де бағын сынап көрді. Оның ең танымал рөлдерінің бірі:

• «5:32» сериалы (2021)

Қоғамдық белсенділігі

Ол әлеуметтік маңызы бар мәселелерге, әсіресе тұрмыстық зорлық-зомбылыққа қарсы күрес және әйелдер құқығын қорғау тақырыптарына белсенді үн қосады. Оның «Ауруымды бер» секілді арт-жобалары қоғамда үлкен резонанс тудырды.

Отбасы

• Айя Шалқардың анасы – Гаухар Есімханова. Қазіргі уақытта танымал заңгер Ержан Есімхановтың жолдасы<ref>Үлгі:Cite web</ref>.
• Әкесі – кәсіпкер Шалқар Нұртілеуов. Қазақстанның Сыртқы істер министрі болған Мұрат Нұртілеудің інісі<ref>Үлгі:Cite web</ref>.