Құман Нұрмағанұлы Тастанбеков

Үлгі:Кинематограф Құман Нұрмағанұлы Тастанбеков (10 наурыз 1945 жылы туған, Алматы облысы Сарқант ауданы, Екі ауылында туған) — кино және театр актері. Қазақстанның халық әртісі (1993). Қазақстан Ленин комсомолы сыйлығының иегері (1976). Мұхтар Әуезов атындағы Қазақ мемлекеттік академиялық драма театрының актері (1969 жылдан).

Өмірбаяны

• 1969 ж. Алматы мемлекеттік өнер институтының (қазіргі Қазақ ұлттық консерваториясы) актерлік факультетін (педагогы – профессор Х.Бөкеева) бітірген.
• Қазақ академиялық драма театрының құрамына қабылданды.
  • Оның алғаш ойнаған рөлі – “Қыз Жібек” фильміндегі Төлеген (1970). Бұдан кейін
  • “Қыс – мазасыз маусым”
  • “Ағам менің”
  • “Ерекше күн”
  • “Аққулар ұшып келеді”
  • “Махаббат жаңғырығы”
  • “Ағама арналған қалыңдық”
  • “Қараша қаздар қайтқанда”
  • “Провинциялық хикая”
  • “Алаң шеті”
  • “Өрнек”, т.б. фильмдеріне түсті.
• Ол театр сахнасында
  • Қасым, Құлбек (Ш.Айтматов “Ана - Жер-Ана” мен “Ақ кемесі”)
  • Әлібек, Нарша, Абыз (М.Әуезов, “Айман - Шолпан”, “Қарагөз” бен “Еңлік-Кебек”)
  • Тәңірберген (Ә.Нұрпейісов, “Қан мен тер”)
  • Жан (О.Бөкеев, “Құлыным менің”, Қазақстан Ленин комсомолы сыйлығы, 1976)
  • Айдар (Әуезов пен Л.С. Соболев, “Абай”)
  • Маздақ (М.Шаханов, “Сенім патшалығы”)
  • Орест (Л.Дюрко, “Электра, сүйіктім менің”)
  • Флоридор (Ф.Эрве, “Түлкі бикеш”)
  • Фархад (Назым Хикмет, “Фархад – Шырын”), т.б. секілді әр алуан рөлдерді орындап, қызғылықты мінез-кейіптер жасады.<ref>Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref><ref>Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2</ref>

Марапаттары

• 1976 жылы Қазақстан Ленин комсомолы сыйлығының лауреаты
• 1982 жылы "Қазақ КСРның Еңбек сіңірген артисі
• 1993 жылы "Қазақстанның Халық артисі"
• 2008 жылы "Құрмет" Ордені
• 2015 жылы "ҚР коститутциясына - 20 жыл" мерекелік медальі
• 2016 жылы ҚР президентінің жарлығы бойынша "Парасат" орденімен марапатталды.