Аққыстау

Үлгі:Елді мекен-Қазақстан Аққыстау — Атырау облысының Исатай ауданының әкімшілік орталығы, темір жол стансасы.

Географиялық орны

Облыс орталығы — Атырау қаласынан солтүстік-батысқа қарай 75 км жерде, Нарын құмынан оңтүстік-шығысқа қарай Жалтыр көлінің оңтүстік жағасына таяу, Каспий маңы ойпатының оңтүстігіндегі, шөлді белдемде орналасқан.

Тарихы

Іргесі 1973 жылы Атырау – Астрахан темір жолын салуға байланысты қаланды. 1996 жылға дейін Чапаев атындағы қаракөл қой кеңшарының орталығы болып келді. Оның негізінде кооперативтік шаруашылықтар мен шаруа (фермер) қожалықтары құрылған.

Инфақұрылымы

Аққыстауда "Жайықмұнай" мұнай-газ өндіру басқармасы, баспахана, машина жөндеу және тұрмыс қажетін өтеу шеберханалары, шағын электр станциясы, 2 орта мектеп және сегіз жылдық мектеп, мәдениет сарайы, қонақ үйі, аудандық аурухана бар.

Халқы

• 6236 адам (1999).
• 7717 адам (2009);
• 8231 адам (2013).