Үйдене бөгені

Үйдене бөгені, Шығыс Қазақстан облысының Зайсан ауданы жерінде, Сауыр жотасының етегінде орналасқан. Зайсан ауданы шаруашылықтарының 13 мың га-дан астам егістік жерлерін суару үшін Үйдене өзеннің бойына салынған. Электр қуатын өндіретін шағын қондырғысы бар. Бөген 1966 ж. іске қосылды. Ауданы 4 км² шамасында. Ұзындығы 4,4 км, енді жері 3,8 км, орташа тереңдігі 19,3 м, ең терең жері 63,5 м, жағасының ұзындығы 21,2 км. Шарасына толатын су мөлшері 75,5 млн. м³ (1982 ж. — 38, 1983 ж. — 30 млн. м³ болды). Су жиналатын алабы 634 км². Бөген мен Үйдене өзеннің суына негізделіп, осында 1967 ж. Үйдене суару жүйесі салынды. Жүйе басталар жерінде өзеннен секундына 55 м³ су алады. Жалпы ұзындығы 200,2 км, оның ішінде бас каналы 21,4 км. Негізінен шөл егістігі және бақша суарылады.

Сілтемелер

"Қазақ Энциклопедиясы", 9 том

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}} {{#invoke:Message box|ambox}}{{#if:||{{#if:||}}}}