Оңтүстік Жетібай кен орны бетінің бастапқы мәтінін қарау

{{Мұнай кен орны
|атауы =Оңтүстік Жетібай мұнай-газ-конденсат кен орны
|ағылшынша атауы =
|суреті =
|сурет тақырыбы=
|елі ={{KAZ}} 
|аймақ =[[Маңғыстау облысы]]  
|оператор =
|қатысушылар =
|ашылған жылы=[[1968 жыл]]
|игеріле бастаған уақыт =
|мұнай өндірісі басталған уақыт =
|өндіріс тоқтатылған уақыт = 
|есептік мұнай қоры=
|өндірілетін мұнай қоры=
|мұнай өндіретін қабат=
}}

'''Оңтүстік Жетібай''' - [[Оңтүстік Маңғыстау шөгінді алабы|Оңтүстік Маңғыстау]] ойысымындағы мұнай-газ-конденсат кен орны. Көтерілім [[1962 |1962]]-[[1964 жыл|1964]] жылдары табылып, [[1968 жыл]]ы нақтыланып ашылды. [[1972 жыл]]ы [[Триас дәуірі|триас]] шөгінділеріндегі жатындар белгілі болды.

== Географиялық орны ==
[[Маңғыстау облысы]]нда, [[Ақтау]] қаласынан оңтүстік-шығыста 75 км-де, [[Жетібай кен орны]]ның оңтүстігінде 4,5 км жерде орналасқан.

== Геологиялық құрылымы == 
Кен сиыстырушы құрылым, ірі тектоникалық тұрғыдан алғанда, батысында Оңтүстік Жетібай, шығысында Нормауыл көтерілімдерімен күрделіленген ендікке жуық бағыттағы ассиметриялы [[брахиантиклиналь]] қатпар. [[Аален жікқабаты]]ның табаны (-2640 м-лік тұйықтаушы изогипса) бойынша көтерілімнің өлшемдері 4,8x1,1 км. Тереңдеген сайын оның өлшемдері өсе түседі, триастың [[анизий жікқабаты]]ның табаны бойынша 12x2,5 км-ге, амплитудасы 450 м-ге жетеді. Көтерілімнің оңтүстік қанаты біраз тік және аален шөгінділерінде байқалмайтын лықсымамен күрделіленген. Ортаңғы және төменгі [[Юра кезеңі|юра]], триас шөгінділерінің өнеркәсіптік мұнай-газдылығы анықталған. 15 горизонт бөлінген, өнімді қабат қалыңдығы 2000 м-ге жетеді. [[Стратиграфиялық бағана]]да бұлардан 7 горизонт ортаңғы юраның бат, екеуі - байос, үшеуі - аален жікқабатына, біреуі - төменгі юраға және екеуі - төменгі триастың оленек жікқабатының шөгінділеріне жатқызылған.

== Қанығу сипаты ==
Қанығу сипаты бойынша төрт горизонт мұнайлы, екеуі газды, екеуі газ-мұнай-конденсатты және екеуі газ-конденсатты. Табиғи қорқоймасының типі жағынан төрт қойнауқаттың жатындары шомбал, екеуінікі қойнауқаттық, тектоникалық тұрғыдан қалқаланған, қалғандары қойнауқаттық. Жинауыштардың кеуек және
аралас (кеуекті-ұралы-жарықшақты) типтері бөлінген. Екі қойнауқаттың пайдаланудағы ұңғымалары бойынша мұнай шығымы 10 мм-лік штуцерде 192 м<sup>3</sup>/тәу, ал бір горизонтта 9 мм-лік штуцерде 27,5 м<sup>3</sup>/тәу болды. 

== Тығыздығы, құрамы ==
Мұнайының тығыздығы 855-868 кг/м<sup>3</sup>, тек бір ғана жатынның мұнайы жеңіл (841 кг/м<sup>3</sup>). Мұнайлардың газға қанығу дәрежесі 64 м<sup>3</sup>/т-дан 99 м<sup>3</sup>/т-ға дейін өзгереді. Ортаңғы юра жатындарының газы өзінің құрамы жағынан ауыр, этан ұстаушы. Таулардағы ауыр көмірсутектердің үлес салмағы 14%-дан 39%-ға дейін жетеді. Газдың метандық құраушысы тереңдеген сайын 56%-дан 80,1%-ға дейін өседі. Бір жатын газының құрамында азоттың жоғары мөлшері (16,15%) байқалды, өзге жатындарда оның мөлшері аз, 1,3-4,4% шамасында, кейде 1,4%-ға дейін көмірқышқыл газы ұшырасады. Еркін газдағы ауыр көмірсутектер 18,2%-га дейін жетеді. Триас жатындарының газы жеңіл, метандық құраушысы 91%-ды құрайды. Тұрақты конденсат мөлшері юра жатындарында 108 г/м<sup>3</sup>, триас шөгінділерінде 125 г/м<sup>3</sup> болды. Хлоркальцийлі типгі қойнауқат суларының тығыздығы 1074-1110 кг/м<sup>3</sup>. Сулардың жалпы минералдылығы юра горизонттарында 132-152 г/л, триас суларынікі 102,2 г/л. Суларда [[йод]], [[Бор (элемент)|бор]], [[бром]] бар. Бұл кен орны [[1973 жыл]]дан игерілуде.

== Дереккөздер ==
{{дереккөздер}}

[[Санат:Қазақстанның мұнай және газ кен орындары]]
[[Санат:Маңғыстау облысы кен орындары]]