Шәкір Шәкімшәріпұлы Ибраев

Шәкір Шәкімшәріпұлы Ибраев (31 желтоқсан 1950 жылы туған, Қызылорда облысы Шиелі ауданы Бестам ауылы ) – фольклортанушы, филология ғылымдарының докторы (1993), профессор (1997).

• ҚазМУ-дың (1973, қазіргі ҚазҰУ) филология факультетін бітірген.
• Мәскеу қаландағы КСРО ҒА Шығыстану институтының аспирантурасын (1979) бітірген.
• ҚазМУ-да аға оқытушы (1980–89)
• Әдебиет және өнер институтында Қолжазбалар орталығының жетекшісі (1989–93), институт директоры (1995–2000)
• Түркістан қаласындағы халықаралық қазақ-түрік университетінің вице-президенті (2001–04), осы университет жанындағы ғылыми орталық (2003–04)
• 2004-2007 жж. – Қ.А.Ясауи атындағы ХҚТУ Ғылым орталығы директоры.
• 2007–2010 жылдар Көкшетау мемлекеттік университетінің ректоры қызметін атқарды.
• 2014-2022 жж. – Л.Н.Гумилев атындағы Еуразия Ұлттық университетінің профессоры.
• 2024–2025 жж. - Қ.А.Ясауи атындағы Халықаралық қазақ-түрік университеті Түркология институтының директоры.

Ғылыми еңбектері

«Қазақтың батырлық эпосының поэтикасы» деген тақырыпта докторлық диссертация қорғады. Негізгі ғылыми-зертеулік еңбектері фольклор және түркология мәселелеріне арналған. 100-ден астам ғылыми жарияланымы, монографиялары мен кітаптары:

• «Қазақ эпосы», 1977;
• «Эпос әлемі», 1993;
• «Оғыз батырлық эпосының поэтикасы», 1997;
• «Дастан құрылымы», 1998, соңғысы түрік тілінде, т. б.) жарық көрген.

Мемлекеттен алған марапаттары

• Қазақстан Республикасы Ұлттық ғылым академиясының шаруашылығы Ш.Уәлиханов атындағы сыйлығы лауреаты (1990).<ref>Қазақстан Республикасы Ғылыми Энциклопедиясы</ref>
• «Түрік дүниесіне қызмет» сыйлығы (Анкара, 2006).
• Ғылымға қосқан ерекше үлесі үшін ҚР Білім және ғылым министрлігінің мемлекеттік стипендиясы берілді (2008).
• Еуропалық бизнес, ғылым және өнер Ассамблеясының (ЕВА, Англия) «Біріккен Еуропа» халықаралық наградасы (Оксфорд, 2008).
• «Құрмет» ордені (2009).
• Қазақстан Республикасының тәуелсіздігіне «20 жыл» медалі (2011).
• «Қазақстан Республикасының ғылымын дамытуға сіңірген еңбегі үшін» медалі (2014).
• «Қазақстан халқы Ассамблеясына 25 жыл» медалі (2020).
• «Абай Құнанбаевтың 175 жылдығы» ТҮРКСОЙ медалі (Анкара, 2020).
• Абай Құнанбайұлының 175 жылдық және Әбу Насыр әль-Фарабидің 1150 жылдық мерейтойына арналған іс-шараларды ұйымдастыру мен өткізуге қосқан үлесі үшін ҚР Президенті Қ.Тоқаевтың Алғыс хатымен марапатталды (2021).
• «Ахмет Байтұрсынұлының 150 жылдығы» медалі (2022).
• «Парасат» ордені (2024).

Дереккөздер

<references/>