Балабөген

Балабөген – Сырдария алабындағы Бөген өзенінің саласы.

Географиялық орны

Түркістан облысы Бәйдібек ауданы жерімен ағады.

Бастауы

Қаратаудың оңтүстік беткейінен басталып, Бәйдібек ауданы Ақбастау ауылының батысындағы Үлкен Бөген (Қаттыбөген) өзенімен қосылып, Бөген өзеніне құяды.

Гидрологиясы

Ұзындығы 70 км, су жиналатын алабы 366 км². Арнасы тар, ағысы қатты. Көктемде өзен деңгейі қар суымен 30 – 35 күндей көтеріледі. Суы егіс, бау-бақша суғаруға пайдаланылады.<ref>Қазақ энциклопедиясы</ref>