Шахымардан Қайдарұлы Әбілов

Үлгі:Музыкант Шахымардан Қайдарұлы Әбілов (22 сәуір 1950 жыл, Павлодар облысы, Шарбақты ауданы, Әрбиген ауылында туған) — кеңестік және қазақстандық опералық және камералық әншісі. Қазақстанның еңбек сіңірген әртісі. Қазақстанның мемлекеттік сыйлығының иегері. Қазақ ұлттық консерваториясының профессоры. Қазақстанның Білім беру ісінің Үздігі.

Жалпы мәліметтер

Әкесі - Әбілов Қайдар Әбілұлы. Анасы - Әлиханова Рутай Қадымқызы. Құрманғазы атындағы Алматы мемлекеттік консерваториясының хор-вокал факультетін бітірген (1981), опера және камералық әнші, оқытушы. Құрманғазы атындағы Қазақ ұлттық консерваторияның профессоры (1997 жылдан).

1971 жылдан - Абай атындағы Мемлекеттік академиялық опера және балет театрының хор әртісі. 1981 жылдан - Жамбыл атындағы филармонияның солисті, оқытушы.

1982 жылдан - Құрманғазы атындағы Алматы мемлекеттік консерваториясы опера студиясының солисті. 1990 жылдан - Құрманғазы атындағы Алматы мемлекеттік консерваториясы вокалдық-хор факультетінің деканы, жеке ән айту кафедрасының меңгерушісі, 1991 жылдан - вокалдық-хор әні кафедрасының доценті, 1997 жылдан - жеке ән айту және опералық дайындық кафедрасының меңгерушісі, жеке ән айту кафедрасының профессоры.

1998 жылдан бері - Абай атындағы Мемлекеттік академиялық опера және балет театрының солисті.

ҚР Музыка қайраткерлері одағы төрағасының орынбасары.

Марапаттары

• 1994 жылы «Қазақстанның еңбек сіңірген әртісі» құрметті атағы;
• 1997 жылы Қазақ ұлттық консерваториясының профессоры;
• 2005 жылы «ҚР Білім беру ісінің Үздігі» атағы;
• 2006 жылы «Қазақстанның мемлекеттік сыйлығы» лауреаты;
• Құрмет ордені
• 2011 жылы Павлодар обласының құрметті азаматы атағының иегері
• 2015 жылғы 3 желтоқсанындағы елбасының жарлығы бойынша ІІІ дәрежелі «Барыс ордені» марапатталды.
• 2016 жылы «ҚР тәуелсіздігіне – 25 жыл» мерекелік медальі

Жеке қасиеттері

Әскери атағы - старшина. Діни көзқарасы - «Бүкіл діндер жалғыз Қүдайдікі». Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан болашақта Еуразияның барлық жағынан (саяси әрі рухани) орталығы болуы қажет».

Хоббиі - бақша өсіру, серуендеу.

Сүйіп оқитын әдебиеті - А. Құнанбаев, У. Шекспир, М.Ю. Лермонтов, А.С. Пушкин, Орта ғасырдағы араб прозасы.

Үйленген. Қыздары - Әбілова Айгүл, Әбілова Ақмарал; ұлы - Әбілов Әуез-Әбіл Саид.<ref>Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2</ref>