Төлепберген Әбдірәшев

Төлепберген Әбдірәшұлы Әбдірәшев (26 шілде, 1948, Қызылорда облысы Жаңақорған ауданы Бесарық ауылы - 26 қазан, 2007, Алматы) —дирижер. Қазақстанның халық артисі. (1995).

Өмірбаяны

• Құрманғазы атындағы Алматы мемлекеттік консерваториясын дирижëрлеу кафедрасы бойынша 1974 жылы Тұрғыт. Османовтың сыныбы бойынша бітірген.
• П.И. Чайковский атындағы Мәскеу консерваториясын 1979 жылы дирижëр Геннадий Рождественский сыныбы бойынша бітірген.
• 1982 — 83 ж. Вена музыка академиясының (Аустрия) стажері.
• 1979 — 82 ж. Алматыда Қазақ симфониялық оркестрінің дирижері
• 1985 — 87 ж. Қазақ опера және балет театрының бас дирижері болды.
• 1987 жылдан осы оркестрдің көркемдік жетекшісі әрі бас дирижері.

Гастрольдік сапарлары

Ол әр жылдары өнер сапарымен АҚШ-та, Англияда, Германияда, Ресейде, Украинада симфониялық оркестрлерге дирижерлік етті.

Жетістіктері

• 1977 ж. Германия елінде Батыс Берлинде өткен Герберт фон Караян атындағы Халықаралық дирижерлер байқауының дипломанты

• 1983 ж. Бүкілодақтық Ленин комсомолы сыйлығының лауреаты болды.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>