Жаннат Жорақызы Қуанышева

Үлгі:Кинематограф Жаннат Жорақызы Қуанышева (Құдайбергенова) (1958 жылы 4 сәуірде Алматыда туған) — танымал киноактриса. Қазақ КСРнің Еңбек сіңірген артисі (1990). «Құрмет» және «Парасат» ордендерінің иегері.

Өмірбаяны

• Жаннат Жорақызы 1958 жылы 4 сәуірде Алматыда дүниеге келген.
• 1972 жылдан бері - «Қазақфильм» киностудиясында актриса.

Қуанышева 30-дан астам кинофильмдерге түскен: "Махаббат тәмсілі" (1975), "Медеудегі кездесу" (1976), "Тоғызыншы ұлдан сақтан" (1984), "Тірі вакцина" (1987), "Қайсар" (1991), "Мені ұмыт" (1993), т.б. Сондай-ақ, тұңғыш отандық телесериялдар "Тоғысқан тағдырлар" мен "Қара шегірткеге" түскен<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>.

• 1983 жылы Әл-Фараби атындағы Қазақ ұлттық университетінің филология факультетін бітірген.
• 2004 жылдан бері - Ш. Айманов атындағы «Қазақфильм» АҚ актерлік бөлімінің бастығы.

Фильмографиясы

• 1975 - Махаббат туралы аңыз - Алма
• 1975 - Гауһартас - Салтанат
• 1976 - Медеудегі кездесулер - Анара
• 1979 - Қарашақаздар ұшқанда - басты рөл
• 1979 - Ерте келген тырналар - мұғалім
• 1980 - Біз - ересекпіз - Айна
• 1980 - Ебелек - Алима
• 1982 - Қауын - Зайра
• 1983 - Қыл көпір - Әлия
• 1984 - Тоғызыншы ұлдан сақтан - Күнекей
• 1985 - Ұш, тырна - Әсел
• 1986 - Мотоциклдегі адам - Әсел
• 1988 - Үшеуі - актриса
• 1988 - Қадам - эпизод
• 1990 - Кене - Ахтановтың әйелі
• 1991 - Әйелдер абақтысы - Мадинаның досы
• 1993 - Әбілқайыр хан - Бопай Бәтима
• 1993 - Үндемеу кодексі-2 - Мазуттың әйелі
• 1995-2000 - Тоғысқан тағдырлар - Жанна Сабирова
• 2001-2003 - Қара шегіртке - Алма
• 2009 - Кері тарап - Санжардың әйелі
• 2009 - Секер - Лена (дубляж)
• 2010 - Астана - махаббатым менің - Мариям
• 2010 - Айналайын - эпизод
• 2012 - Аңыздар кітабы - Жұмбақ орман - ағылшын тілінен репетитор
• 2012-2013 - 25-інші километр - Аида
• 2013 - Ештеңеге қарамастан - эпизод
• 2013 - Сен және мен - Динараның анасы
• 2013 - Көшбасшы жолы - дәрігер
• 2013 - 30 жасында күйеуге - Дастанның анасы

Марапаттары

• 1976 жылы Фрунзеде өткен Бүкілодақтық кинофестивальінің жүлдегері.
• 1980 жылдан ҚазКСР Кинематографистер одағының мүшесі
• 1990 жылы Қазақ КСР Жоғарғы Кеңесінің жарлығымен "Қазақ КСРнің Еңбек сіңірген артисі" құрметті атағымен марапатталды.
• 2000 жылы «Құрмет ордені»
• 2001 жылы "Жыл адамы" Ұлттық сыйлығының "Жыл актрисасы" аталымының иегері.
• 2008 жылы «Парасат ордені» ордендерімен марапатталған.

Отбасы

• Әкесі - Қуанышев Шора Шәкіжанұлы, марқұм, ҚазКСР Түрлі-түсті металлургия министрлігінде қызмет істеген.
• Анасы - Балақаева Тамара Мәуленқызы, ҚазКСР Министрлер кеңесі Істері басқармасында жұмыс істеген, зейнеткер.
• Күйеуі - Құдайбергенов Жамбыл (1949-1990), марқұм, актер болған.
• Ұлы - Құдайбергенов Ержан (1976 жылы туған), дизайнер.<ref>Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2</ref>