Демченко Раиса Семеновна

Демченко Раиса Семеновна (1 қаңтар 1919 жылы туған, Алматы қаласы) – техникалық ғылымымдарының кандидаты (1982). Мәскеу түсті металдар және алтын институтын бітірген (1945). Ресей және Қазақстанның түсті металлургия кәсіпорындары мен ғылыми-зерттеу институттарында жұмыс істеді (1945–57). Қазақстан Ғылым Академиясының Металлургия және кен байыту институтында кіші ғылым қызметкер, аға ғылым қызметкер болды (1957–87). 1987 жылдан зейнеткер. Ғылым жұмыстарының негізгі бағыты түсті металдар металлургиясының физика-химия негіздеріне арналған. Іргелі зерттеу жұмыстарының нәтижелері қорғасынның шала өнімдері мен қайта өңделетін шикізаттарды қайта өңдеудің электртермиялық тәсілдерін жасауда пайдаланылып, Қазақстан, Ресей және Украина кәсіпорындарында қолданыс тапты. Қазақ КСР-і Мемлекеттік сыйлығының лауреаты (1972).<ref name=source1>Қазақ Энциклопедиясы</ref>

Дереккөздер</span>

<references/>