Нұсқалар арасындағы айырмашылық: "Байбек батыр"

'''Байбек, Байбақ''' (туған-өлген жылдары белгісіз) — [[батыр]], [[би]], [[Айшуақ]] [[сұлтан]]ның аталығы. [[Орыс]] құжаттарында [[Әбілқайыр]] ханның төлеңгіті, “хан сарайының қызметшісі” деп те аталады. 1736 жылы жазда [[Әбілқайыр]] ханның сарайында болған ағылшын суретшісі [[Джон Кэстль]]дің еңбегінде “Байбек Ағлық” деген атпен берілген.<ref>Айбын. Энциклопедия. / Бас ред. Б.Ө. Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х</ref> Байбек, негізінен, [[Әбілқайыр]] ханның ең сенімді адамдарының бірі ретінде оның маңызды тапсырмалары бойынша [[қазақ]]-[[орыс]], [[қазақ]]-[[башқұрт]], [[қазақ]]-[[қалмақ]] қатынастарына белсенді араласты. 18 ғасырдың 30-жылдарының бас кезінде [[Кіші жүз]]дің [[Ресей]] бодандығына өту мәселелерімен [[Санкт-Петербург]]те болған (ол жөнінде 1734 жылы 10 маусымда орыс патшасы Анна Иоановнаның [[Ұлы жүз]] батырлары мен старшындарына жолдаған грамотасында көрсетілген). [[Әбілқайыр хан]]ның өзіне және туыстарына қалашық салып беру жөніндегі өтінішімен [[Мәскеу]]де болған. Императрица Елизаветаның Әбілқайырға жолдаған грамотасында бұл туралы “Сіздің елшілеріңіз [[Күдер батыр]] мен Байбекке сыйлықтар беріліп, кейін қайтарылды. Грамота 1742 жылы 15 маусымда Мәскеуден жіберілді” делінген. 1730—1740 жылдары бірнеше рет Орынборда болып, [[Орынбор]] [[экспедиция]]сының бастығы К. Кирилловпен, генерал-лейтенант князь Урусовпен кездесті және олармен Кіші жүздегі жағдай жөнінде сөйлесті. Әбілқайыр қаза болғаннан кейін Байбек. [[Бопай|Бопай ханым]]ның, [[Нұралы хан]]ның тапсырмаларын орындады. Бірақ 1760—1770 жылдары жазылған құжаттарда оның есімі кездеспейді.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, II том;</ref>