Нұсқалар арасындағы айырмашылық: "Оспан Көбеев"

'''Оспан Көбеев''' ([[1876]], [[Маңғыстау облысы]] Арыстан Шалбар ауданы – [[1930]]) – [[Ресей империясы]] армиясының подполковнигі. 7 жасында жетім қалған. Адай уездік әкімшілігінің көмегімен [[Орынбор]] кадет корпусына түсіп, оны үздік бітіріп шығады. [[Мәскеу]]дегі Александровск әскери училищесін үздік бітіреді ([[1899]]). Ашхабадтағы Ресей империясы армиясының 2-Түркістан [[артиллерия]] бригадасында кіші [[офицер]] болады, [[1904 – 05 ж.]] болған орыс-жапон соғысында 1-Шығыс Сібір таулы артиллерия бригадасының кіші офицері ретінде көрсеткен ерлігі үшін офицерлік Георгий кресімен марапатталған. [[1907 – 12 ж.]] 2-Түркістан армиялық корпусы құрамында [[Кавказ]] соғысына қатысқан. [[1915 ж.]] капитан, [[1917 ж.]] подполковник атағын алады. Батарея командирі болады. [[1918 ж.]] әскер қатарынан босап, [[Ашғабад]] қаласына келеді. Саяси көзқарасы жағынан социалист-революционер ([[эсер]]) болған Көбеевті 1 шілдеде [[Закаспий]] облысы кеңесі Адай уезінің әскери комиссары етіп бекітеді. Осы қызметте жүріп Көбеев кемеге артып қару әкелген [[Ә.Жангелдин]] отрядын қарсы алады, оларға Бозащы түбегіне түсуге кеңес береді. Ашаршылық кезінде Ашғабадтан 7 млн. сом ақша әкеліп, аштарға көмек ұйымдастырады. Маңғыстауда ақтар үкіметі қайта орнап, түбекке генерал Толстовтың жазалаушылары келген кезде жергілікті большевиктерді аман алып қалуға ат салысады. [[1920 ж]]. [[Колчак]] үкіметі Көбеевке полковник атағын береді. Кеңес үкіметі орнағаннан кейін [[1922 ж.]] ВЧК коллегиясы оны 2 жылға соттап, Холмогорскідегі Соловки лагеріне жіберуге үкім шығарады. [[1924 ж.]] елге оралған ол әр түрлі жұмыстар атқарады. [[1929 ж.]] қайта тұтқындалып, ұзақ тергеуден кейін ОГПУ үштігінің үкімімен атылады.