Нұсқалар арасындағы айырмашылық: "Отырар (ауыл)"

19:03, 2026 ж. маусымның 25 кезіндегі нұсқасы

Үлгі:Елді мекен-Қазақстан

Отырар — Түркістан облысы Отырар ауданындағы ауыл, Қарғалы ауылдық округі орталығы.

Географиялық орны

Ауыл орталығы – Шәуілдір ауылынан солтүстікке қарай 15 км жерде, ежелгі Отырар қаласының солтүстік-шығысында орналасқан.

Халқы

Тарихы

Үлгі:Main Отырардың екі мың жылдық тарихы бар. Мұнда VI-X ғасырда шағын қала болған. Ежелгі Отырар қаласы арқылы өтетін Жібек жолының бір тармағы осы жермен өткен. Қазіргі Отырар ауылының іргесі 1933-1934 жылдары қаланған. Бұрынғы қоныстан Арыс өзенінің батыс жағындағы Көкмардан төбесіне көшірілген. 1945 жылы Отырар ауылы деп аталады. 1931 жылы алғашында қой өсірумен айналысатын "Отырар" ұжымшары құрылды. 1963 жылы Арыс 60 жылдық атындағы мал өсіретін кеңшардың бөлімшесі болды. 1996 жылдан мақта, жүгері, мал азыктық және бақша дақылдарын өсіретін шаруа кожалықтары жұмыс істейді.

Инфрақұрылымы және экономикасы

Ауыл маңында "Құланның" құмы атты кен орны орналасқан. Кен орнынан Шымкент, Арыс, Түркістан қалаларының емдеу орындарына осы жердің балшығы тасылады. Орта мектеп, фельдшер-акушерлік пункт, кітапхана, клуб, пошта жұмыс істейді. Ауыл маңында Қоңыртөбе, Мәслихаттөбе, Жалпақтөбе атты ежелгі тарихи-археологиялық орындар қирандысы сақталған. Отырардың шығысынан 2 км жерден Ташкент—Орынбор темір жолы өтеді. Отырарда аудан аумағындағы алғашқы бастауыш мектеп 1931 жылы ашылған. Алғашқы директоры - А. Оспанов. 1968 жылдан орта мектеп ретінде оқушыларды қабылдай бастаған.<ref>Отырар. Энциклопедия. – Алматы. «Арыс» баспасы, 2005 ISBN 9965-17-272-2</ref>

Дереккөздер

Үлгі:Дереккөздер

Үлгі:Отырар ауданы елді мекендері