Ұрық жолы бетінің бастапқы мәтінін қарау

'''Ұрық жолы''' — ұрықтың бастапқы [[Жыныс|жыныс]] [[Клетка|клеткаларынан]] бастап, [[Гамета|гаметалардың]] пайда болуына дейінгі клеткалар жиынтығының [[даму]] жолы. Ұрық жолы туралы түсініктемені неміс ғалымдары [[М.Нуссбаум]] ([[1880]]) және [[А.Вейсман]] ([[1885]]) берді. Олардың анықтамасы бойынша жыныс клеткалары [[ұрық]] дамуының бастапқы кезеңінен-ақ басталады және олардың ядроларында организмнің тұқымқуалаушылық қасиеттерін [[Ұрпақ|ұрпақтарға]] тасымалдайтын ұрық [[Плазма|плазмасы]] болады. Жыныс клеткаларының ұрық дамуының бастапқы кезеңінен бастап-ақ түзіле бастайтыны көптеген жануарларда анықталған. Алғашқы жыныс клеткалары ұрықтың бөлшектену кезеңінде пайда бола бастайды. Бірақ көпшілік жануарларда ([[Буынаяқтылар|буынаяқтыларда]], [[Қосмекенділер|қосмекенділерде]], [[Құстар|құстарда]]) бастапқы жыныс клеткаларын ультракүлгін сәулелерімен немесе басқа қауіпті заттармен әсер етіп жоятын болса, организмнің одан әрі дамуында жыныс бездері жетілмейді. Бастапқы жыныс клеткаларының соматикалық клеткалардан морфологиялық және [[Биохимия|биохимиялық]] тұрғыдан үлкен айырмашылықтары бар.

== Сілтемелер ==
[[Қазақ Энциклопедиясы|"Қазақ Энциклопедиясы"]], 9 том


{{Суретсіз мақала}}
[[Санат: Биология]]
[[Санат: Адам]]

{{wikify}}