Теляковский Всеволод Владимирович бетінің бастапқы мәтінін қарау

'''Теляковский Всеволод Владимирович''' (12.2.1894, [[Санкт-Петербург]] – 7.1.1963, сонда) – [[пейзажшы]], [[театр]] суретшісі, [[Қазақ КСР]]-інің еңбек сіңірген өнер қайраткері (1956). Теляковский 1912 жылы Санкт-Петербург гимназиясын бітірген соң Париждегі Ронсон академиясының қондырғылы кескіндеме бөліміне түсіп, француз суретшілері М.[[Дени]] мен Ф.[[Валлотан]]нан дәріс алған. 1924 жылы [[Ленинград]] ([[Санкт-Петербург]]) қаласындағы архитектуралық институтында сурет пен кескіндеме пәнінен сабақ берді. 1935 жылдан [[Қазақстан]]да тұрды. Спектакльдерді безендіру жұмысын алғаш [[Атбасар]] қалалық музыкалық [[драма]] театрында бастады. 1936 – 1938 жылы Қазақтың мемлекеттік академиялық [[опера]] және [[балет]] театры (1946 – 1956 жылы бас суретші) мен Қазақ КСР-і Мемлекеттік Орталығы мұражайында қызмет етті. Қазақтың ұлттық эпосына арналған көптеген паннолардың топтамасын (“Қозы Көрпеш – Баян сұлу”, 1958; “Қамбар батыр”, 1958; “Қорқыт баба”, 1959, т.б.) жасады. Теляковский сондай-ақ “Кеш” (1959), “Пион гүлі”, “Аквариум” (1960) т.б. натюрморттардың авторы. 
<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, VIII том</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>
==Дереккөздер==
<references />
 	
{{wikify}}
<references/>
{{Stub: Қазақ мәдениеті}}
{{wikify}}

{{Суретсіз мақала}}

[[Санат:Тұлғалар]]



{{stub}}