Құрбақанас

Құрбақанас – Солтүстік Балқаш алабындағы Бақанас өзенінің саласы.

Географиялық орны

Абай облысының Аягөз ауданы жерімен ағады.

Бастауы

Шыңғыстаудың солтүстік-батыс сілеміндегі Шақпақтастың солтүстігінен басталып, Үрпек тауы тұсында Дағанделі өзеніне құяды.

Гидрологиясы

Ұзындығы 100 км, су жиналатын алқабы 1170 км². Аңғары кең, арнасы тік жарлы. Жауын-шашын және жер асты суымен қоректенеді. Көктемде ғана арнасында ағын болады, жазда құрғап, иірімдерге бөлініп қалады. Алабы - жайылым мен шабындық. Мал мен бау-бақша суарылады.<ref> Қазақ Совет Энциклопедиясы, Алматы, 1974ж., 5 том </ref>