Өзкент

Үлгі:Көне қалашық Өзкент, Өгізкент – ортағасырлық қала, Қызылорда облысының жергілікті маңызы бар тарих және мәдениет ескерткіштерінің мемлекеттік тізіміне енген археологиялық ескерткіш.

Орналасқан жері

Жаңақорған ауданы, Ақжол ауылынан оңтүстік-батысқа қарай 10,1 км жерде.

Зерттелуі, сипаты

Теңіз деңгейінен биіктігі – 162 м. Ортағасырлық араб деректерінде Сырдарияның сол жағалауындағы сауда орталықтарының бірі болған қала ретінде жазылған. Қалашықты алғаш 1900 жылы В.А. Каллаур, 1969-1970 жылдары Отырар археологиялық экспедициясы (жетекшісі К.А. Ақышев), 2004 жылы Халықаралық қазақ-түрік университетінің Тұран археологияылық экспедиция (жетекшісі М. Елеуов) зерттеген.
Қаланың жобасы көпбұрышты, мықты қорғаныс қабырғасымен қоршалған. Сол қабырғалардың бойында 15 күзет мұнара орындары сақталған. Қалашықтың өлшемі солтүстіктен оңтүстікке қарай 250-300 м. Қорғаныс қабырғасының сыртынан айналдыра қазылған ордың тереңдігі 2 м, ені 10 м шамасында. Қалаға кіретін қақпаның орны шығыс шетінде орналасқан, оның ені 8-10 м. Зерттеу барысында табылған заттар қаланың VIII-XII ғасырларда өмір сүргендігін көрсетеді.<ref>"Қазақ Энциклопедиясы"</ref>