Әділ Ералыұлы Ахметов
Қазақ Энциклопедиясы жобасынан алынған мәлімет
Үлгі:Кинематограф Әділ Ералыұлы Ахметов (30 қыркүйек 1984 жыл Алматы) — кино және театр актері, тележүргізуші. Қазақстанның еңбек сіңірген қайраткері (2017). Астана жастар театрының негізін қалаушысы әрі актері (2007 жылдан). Халықаралық және Республикалық театр фистивальдерінің жүлдегері. Дарын мемлекеттік сыйлығының иегері (2014).
Толығырақ
- Әділ Ералыұлы 1984 жылы 30 қыркүйекте Алматыда дүниеге келген.
- 2002 - 2006 жылдары Т.Жүргенов атындағы Қазақ ұлттық өнер академиясының «Драма және кино актері» мамандығы бойынша Қазақстанға еңбегі сіңген өнер қайраткері, Білім беру саласының құрметті профессоры Нұрқанат Жақыпбайдың шеберханасын бітірген.
- 2007 жылдан бастап Астана жастар театрының негізін қалаушысы әрі актері.
- Мемлекеттік және Халықаралық деңгейдегі іс-шаралардың жүргізушісі.
- Көптеген киноларға түскен дарынды танымал актер.
Марапаттары
- 2014 жылы Дарын мемлекеттік сыйлығының иегері
- 2015 жылы "ҚР Қарулы күштерінің ардагерлері" қоғамының "Ұлы жеңіске 70 жыл" медалі
- 2017 жылы "Астана ардағым" мерекелік сыйлығының иегері
- 2017 жылы Президент жарлығымен Қазақстанның еңбек сіңірген қайраткері құрметті атағымен марапатталды.
- 2017 "ҚР Қарулы Күштері Әскери полициясына 20 жыл" медалі
- 2017 Қырғыз Республикасы Мәдениет министрлігінің құрмет грамотасымен марапатталған. (Қырғызстан).
- Халықаралық және Республикалық театр фистивальдерінің жүлдегері.
- ҚРның Мемлекеттік степендиясының иегері
- ҚРның Президенттік степендиясының иегері
