Әбікей Исаұлы

Әбікей Исаұлы(1846, қазіргі Қарағанды облысы Жаңарқа ауданы Нұра өңірі — 1930, сонда) — қобызшы, сазгер. 1916 ж. ұлы (Қали), қызы (Жібек), оларға ілесе әйелі қайтыс болған соң, немере інісі Сыздықтың қолына қарап қалған күйші қобызды тастап кетеді. Кейін түркістандық Мұсахан ишанның кеңесімен қыл қобызды қолына қайта алады. Інісі Сыздыққа “бақсының нар қобызы болмаса, саз қобыз Арқада иесіз қалғалы тұрған жоқ па” деп, өзіне ылайықты шәкірт іздеп бүкіл Ақтау, Ортау, Ақой, Сарытау, Тоғызқұдық өңірін, Ертіс, Нұра бойларын, Құланөтпесті аралайды. Ақыры іздегенін Қорғалжыннан (Ақмола облысы) табады. Ол болашақ атақты қобызшы Дәулет Мықтыбаев еді. Дәулет одан Ықылас күйлерін, өзі шығарған “Жалғыз аяқ” күйін үйренген. Әбікейдің бұл күйі “Сазген” этногр. ансамблінің қобызшысы Сымтай Үмбетбаевтың орындауында кең танылған.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

Дереккөздер

<references/> Үлгі:Stub: Қазақ мәдениеті {{#invoke:Message box|ambox}}{{#if:||{{#if:||}}}}

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}