Ұзынағаш (Алматы облысы)
Үлгі:Елді мекен-Қазақстан Үлгі:Мағына Ұзынағаш — Алматы облысы Жамбыл ауданындағы ауыл, аудан (1934) және Ұзынағаш ауылдық округі орталығы.
Географиялық орны
Облыс орталығы - Қонаев қаласынан оңтүстік-батысқа қарай 121 км, Алматы қаласынан батысқа қарай 44 км жерде, Қарасу және Ұзынағаш өзендері аралығында, Іле Алатауының сайлы-жыралы келген солтүстік етегінде, бұта, ши аралас бетеге, қау, селеу өскен тауалдының сұр, сортаңды сұр топырақты шөлейтті белдемінде орналасқан.
Халқы
| 1999 | 2009 | 2021 | 2021 2009-ға пайызбен | Ерлер 2009 | Ерлер 2021 | 2021 2009-ға пайызбен | Әйелдер 2009 | Әйелдер 2021 | 2021 2009-ға пайызбен |
|---|---|---|---|---|---|---|---|---|---|
| 23887 | Үлгі:Өсім30585 | Үлгі:Өсім46159 | 150,9 | 14948 | Үлгі:Өсім23153 | 154,9 | 15637 | Үлгі:Өсім23006 | 147,1 |
Тарихы
1929-56 жылдары Ленин атындағы және 1956-97 жылдары өзімен аттас сүт өндіретін кеңшардың орталығы болды. Ұзынағаштағы бұрынғы кәсіпорындар мен мекемелердің басым көпшілігі жекешелендірілді. Олардың негізінде ЖШС, өндірістік кооперативтер мен акционерлік қоғамдар, т.б. шаруашылық субъектілері құрылды. Аудандық бағыныстағы коммуналдық шаруашылық, электрлі энергия желісі, баспахана, телекоммуникация, байланыс бөлімшелері, т.б. мекемелер бар.
Инфрақұрылымы
Аурухана, емхана, дәріхана, фельдшерлік-акушерлік пункт, санэпидстанса, мектеп, мектеп-интернат, спорт мектебі, кітапхана, мәдениет үйі, клуб, стадион, мешіт, қонақ үйі, т.б. әлеуметтік және мәдени ошақтар жұмыс істейді. Ұзынағаш жанынан республикалық дәрежедегі Алматы-Шымкент автомагистралі өтеді.<ref>Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3</ref>
Галерея
- Ұзынағашқа кіреберіс.jpg
Ұзынағашқа шығыс жағынан кіреберіс.
- Шынасыл мешітіне кіреберіс.jpg
Аудандағы ең ірі мешітінің кіреберісі.
- Ұзынағаштағы арбат.jpg
Ұзынағаштағы Арбат.
- Ұзынағаштағы Даңқ алаңы.jpg
Даңқ алаңы.
- Қарасай батыр.jpg
Қарасай Батыр мемориал жазуы.
- Абай алаңы (Ұзынағаш).jpg
Абай көшесіндегі алаң.
- Жол сақинасы Ұзынағаш.jpg
Жамбыл, Абай және Қарасай батыр көшелерінің қиылысы. Бұл ауылдың негізгі тас жолы, осы жерден көптеген автобустар мен жеке көлік арқылы адамдар көрші ауылдарға немесе қалаға барады.
- Абай Жапар базары.jpg
Абай Жапар базарының кіреберісі. Ауылдағы ең ірі базар.
- Ресей-қоқан соғысының ескерткіші.jpg
Ұзынағаш шайқасының ескерткіші 1905 жылы 1 тамыз күні құрылды.
- Қараш Батыр Абай Ұзынағаш.jpg
Қараш батыр мен Абай көшелерінің қиылысындағы Жамбыл аудандық құрылыс бөлімінің алдындағы алаң.
