Қылыш Өтетілеуов

Өтетілеуов Қылыш <ref>«Маңғыстау» энциклопедиясына, Компьютерлік-баспа орталығы, 2007</ref>(1925 ж. т., Үстірттің ұзын шымыраудағы Аққуыс жері) – соғыс ардагері, педагог, оқу-ағарту ісінің үздік қызметкері. Бұрынғы Гурьев педогогикалық училищесін (1957), Гурьев педогогикалық институтын (1957), Орал педогогикалық институтын бітірген (1961). 1941 – 43 ж. Маңғыстау аудандық оқу бөлімінде іс жүргізуші, 1946 – 50 ж. Шайыр мектебінде мұғалім, 1950 – 52 ж. оқу ісінің меңгерушісі, 1955 – 57 ж. Маңғыстау аудандық оқу бөлімінің мектеп инспекторы, 1957 – 74 ж. Сам орта мектебінің директоры қызметін атқарған. Ол аудан орт-нан 500 км шалғайдағы елді мекендерге мектеп, интернат салдырған. 1975 – 78 ж. Бейнеу ауданы «Маңғыстау» кеңшарында жұмысшылар комитетінің басқарушысы, партком хатшысы, 1979 – 85 ж. Шайыр ауылдық кеңесі атқару комитетінің төрағасы болды. Ауданның құрметті азаматы. Отан соғысы орденімен, «В.И. Лениннің туғанына 100 жыл» медалімен марапатталған. <ref>«Қазақстан» ұлттық энциклопедиясы (10 томдық), Алматы, 1998 – 2007</ref>

Дереккөздер

<references/>