Қазақстанның қызыл кітабы монеталары
Қазақстан Энциклопедиясы жобасынан алынған мәлімет
Мазмұны
«Алтай ұлары» монетасы
2006 жылғы 10 қазанда айналысқа шығарылды.
- 50tengeAvers4.jpg
- 50tengeUlar.jpg
Монетаның бет жағының (аверсінің) жоғарғы бөлігінде Қазақстан Республикасының елтаңбасы бейнеленген. Төменгі бөлігінде «50» саны және оның астында монетаның номиналын білдіретін «ТЕҢГЕ» жазуы бар. Номиналдың оң жағы мен сол жағына ұлттық ою-өрнектің элементі жалтыратып салынған. Мемлекеттік тілде «ҚАЗАҚСТАН ҰЛТТЫҚ БАНКІ» деген сөздер айналдыра жазылып, шығыңқы жиек жүргізілген.
Монетаның сырт жағында (реверсінде) таудың тасты беткейіндегі қос алтай ұларының бейнесі орналастырылған. Айналдыра мемлекеттік тілде «АЛТАЙ ҰЛАРЫ» деген жазу және монетаның соғылған жылын білдіретін «2006» деген сан және зоологиялық аты – латын тілінде «TETRAOGALLUS ALTAICUS» деген жазу жазылған.
Диаметрі – 31 мм, қалыңдығы – 2 мм, салмағы – 11.17 грамм.
Қыры (гурты) 10 бөлікке бөлініп бедерленген.
Таралымы – 50 мың дана.
Жалбағай
- 50Kolpitsa-ave.jpg
- 50Kolpitsa-rev.jpg
2007 жылғы 20 шiлдеде айналысқа шығарылды.
Монетаның бет жағында (аверсінде) жоғарғы бөлігіне Қазақстан Республикасының елтаңбасы бейнеленген. Төменгі бөлігінде монетаның номиналын білдіретін «50» деген сан және оның үстінде «ТЕҢГЕ» деген жазу жазылған. Номиналдың сол және оң жағында ұлттық ою-өрнектің элементі жалтыратып салынған. Мемлекеттік тілде «ҚАЗАҚСТАН ҰЛТТЫҚ БАНКІ» деген жазу айналдыра жазылған және шығыңқы жиек бар.
Монетаның сырт жағында (реверсінде) қамыс қопасының аясында жалбағайдың бейнесі орналасқан. Монетаны айналдыра мемлекеттік тілде «ЖАЛБАҒАЙ» және осы түрдің зоологиялық аты латын тілінде «PLATALEA LEUCORODIA» деген жазу жазылған. Оң жақ бөлігінде жасалған жылын білдіретін «2007» деген сан бар.
Диаметрі – 31 мм, қалыңдығы – 2 мм, салмағы – 11.17 грамм.
Қыры (гурты) 10 бөлікке бөлініп бедерленген.
Таралымы – 50 мың дана.
Тянь-шань қоңыр аюы монетасы
- NBearBack-a .jpg
- NBearFace-r.jpg
2008 жылғы 5 шілдеде айналысқа шығарылды.
Монетаның беткі жағында (аверсінде) жоғарғы бөлігінде Қазақстан Республикасының елтаңбасы бейнеленген. Төменгі бөлігінде монетаның номиналын білдіретін «50 ТЕҢГЕ» деген жазу бар. Номиналдың оң және сол жағында айналдыра ұлттық ою-өрнек элементтері орналастырылған. Айналдыра мемлекеттік тілде «ҚАЗАҚСТАН ҰЛТТЫҚ БАНКІ» деп жазылған және шығыңқы жиек жүргізілген.
Монетаның сыртқы жағында (реверсінде) орман өскіндері аясында тянь-шань қоңыр аюының суреті және соғылған жылын білдіретін «2008» деген сан орналастырылған. Айналдыра мемлекеттік тілде «ТЯНЬ-ШАНЬ ҚОҢЫР АЮЫ» және латын тілінде «URSUS ARCTOS ISABELLINUS» – түрдің зоологиялық атауы жазылған.
Монетаның беткі және сыртқы жағындағы бейнелер мен жазулар бедерленіп жазылған.
Қыры (гурт) бұдырлы, оған бедерленіп 10 бөлік жүргізілген.
Монеталар ақ түсті «нейзильбер» қоспасынан дайындалған.
Диаметрі – 31 мм, массасы – 11,17 грамм.
Таралымы – 50 мың дана.
«Үнді жайрасы»
- 50Dikobraz-a.jpg
- 50Dikobraz-r.jpg
айналысқа 2009 жылғы 28 қазанда шығарылды.
Монетаның бет жағында (аверсінде) жоғары бөлігінде Қазақстан Республикасының елтаңбасы бейнеленген. Төменгі бөлігінде монетаның номиналын білдіретін «50 TEҢГE» деген жазу бар. Номиналдың сол және оң жағында ұлттық ою-өрнек элементі бейнеленген. Айналдыра мемлекеттік тілде «ҚАЗАҚСТАН ҰЛТТЫҚ БАНКІ» деген жазу және шығыңқы жиек жүргізілген.
Монетаның сырт жағында (реверсінде) ортада үнді жайрасы бейнеленген. Айналдыра мемлекеттік тілде «ҮНДІ ЖАЙРАСЫ» және латын тілінде «HYSTRIX LEUCURA SATUNINI» түрдің зоологиялық атауы жазылған. Орта бөлігінде соғылған жылын білдіретін «2009» деген сан орналасқан.
Монетаның беткі және сыртқы жағындағы бейнелер мен жазулар бедерленіп жазылған.
Қыры (гурт) бұдырлы, оған бедерленіп 10 бөлік жүргізілген.
Монеталар ақ түсті «нейзильбер» қоспасынан дайындалған.
Диаметрі – 31 мм, массасы – 11,17 грамм.
Таралымы – 50 мың дана.
«Бұйра бірқазан»
- Pelican50-av.jpg
- Pelican50-rev.jpg
номиналы – 50 теңге
2010 жылғы маусымның 1111 маусымда айналысқа шығарылды
Диаметрі – 31 мм, массасы – 11,17 грамм.
Қыры (гурты) бедерлі.
Монетаның бет жағында (аверсінде) оң жақ бөлігінде, стильдендіріліп бейнеленген бұйра бірқазан басының үстінде жазу, нейзильбер қоспасынан жасалған монетада «50 ТЕҢГЕ» және Қазақстан теңге сарайының тауар белгісі бар. Сол жақ бөлікте су айдыны аясында екі құс бейнеленген, айналдыра мемлекеттік тілде «ҚАЗАҚСТАН ҰЛТТЫҚ БАНКІ» деген жазу бар.
Монеталардың сырт жағында (реверсінде) ортада бұйра бірқазанның суреті орналасқан. Айналдыра мемлекеттік тілде «БҰЙРА БІРҚАЗАН» және латын тілінде түрдің зоологиялық атауын білдіретін «PELECANUS CRISPUS» деген жазу бар. Монетаның төменгі бөлігінде соғылған жылын білдіретін «2010» деген сан орналасқан.
Таралымы – 50 мың дана.
«Қаршыға реңді жапалақ»
- NSova-a.jpg
- NSova-r.jpg
номиналы – 50 теңге
2011 жылғы 11 мамырда айналысқа шығарылды
Монеталардың бет жағында (аверсінде) сол жақ бөлігінде монетаның номиналы «50 ТЕҢГЕ», Қазақстан теңге сарайының тауар белгісі, ағаш бұтақтары және ұшып келе жатқан жапалақ бейнеленген. Айналдыра мемлекеттік тілде «ҚАЗАҚСТАН ҰЛТТЫҚ БАНКІ» деген жазу. Оң жақ бөлігінде жапалақтың стильдендірілген бейнесі.
Монеталардың сырт жағында (реверсінде) орталық бөлігінде қаршыға реңді жапалақтың бейнесі орналасқан. Айналдыра мемлекеттік тілде «ҚАРШЫҒА РЕҢДІ ЖАПАЛАҚ» деген жазу, латын тілінде «SURNIA ULULA» түрдің зоологиялық атауы және соғылған жылын білдіретін «2011» деген сан. Жазулар және сандар нүктелермен бөлінген.
Қыры (гурты) бедерлі.
Диаметрі – 31 мм., массасы – 11,17 грамм.
Таралымы – 50 мың дана.<ref>Ақша, несие, банктер теориясы: Оқулық. — Алматы: «Жеті жарғы», 2011. — 368 бет. ISBN 978-601-288-026-7</ref>
Тағы қарағыз
Сілтемелер
Дереккөздер
<references/>
{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}} {{#invoke:Message box|ambox}}{{#if:||{{#if:||}}}}
