Юрий Борисович Померанцев

Үлгі:Театр қайраткері Юрий Борисович Померанцев (11 ақпан 1923, Киев, Украин КСР, КСРО — 23 наурыз 2022, Алматы) — кеңестік және қазақстандық актёр, режиссёр мен педагог, Қазақ КСР халық әртісі (1961).

Өмірбаяны

• Екінші дүниежүзілік соғысқа қатысқан.
• Сахналық өнер жолын 1943 жылы Қазақтың мемлекеттік академиялық опера және балет театрынан бастады.
• 1945–1953 жылдары Балалар мен жасөспірімдер театрының орыс группасында қызмет етті.
• Спектакльдер қоюмен және педагогикалық қызметпен де шұғылданды.
• 7-сайлауда Қазақ КСР Жоғарғы Кеңесінің депутаты болған.

Ойнаған рольдері

Тұңғыш ойнаған рөлі — С.В. Михалковтың “Мақтаншақ қоянындағы” қасқыр. Сонымен қатар ол әр алуан шынайы сахналық образдар галереясын жасады. Ойнаған басты рөлдері қатарында қазақ драматургиясы бойынша

• ойшыл, ақын Абай
• оның жақын, пікірлес достарының бірі Долгов (М.Әуезов, Л.С. Соболев «Абай»)
• болыс Майқан (Әуезов «Түнгі сарын»)
• Варламов (М.Сәрсекеев «Жарылыс»), т.б. секілді ой-санасы мен ішкі жан сезімі бір-біріне ұқсамайтын мінез-кейіптер бар.

Ол — сөздің мән-мағынасына ерекше ден қоятын, өткір мінезді, сахналық бояуы мол актер.

• 1957 жылдан киноға түскен: дәрігер Лавров («Біздің сүйікті дәрігерде»), т.б.

Марапаттары

• Қазақ КСР мемлекеттік сыйлығымен (М.Ф. Шатровтың «Алтыншы шілде» спектакліндегі Дзержинский рөлі үшін, 1967)
• Еңбек Қызыл Ту орденімен
• 2 мәрте Құрмет белгісі орденімен және
• медальдармен марапатталған.<ref>Қазақстан энциклопедиясы, VII-том</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref><ref>Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2</ref>