Теміржан Жәнібекұлы Хамитов

Хамитов Теміржан Жәнібекұлы<ref name="source1">Қазақ Энциклопедиясы</ref> (1962 жылы туған) – қоғам қызметкері. Целиноград ауыл шаруашылық институтын (1988), Қазақ мемлекеттік заң академиясын (2000) бітірген. Еңбек жолын 1980 ж. Целиноград ауданы Ильинов кеңшарында жұмысшы болып бастаған. Целиноград ауыл шаруашылық институтының №2-оқу-шаруашылық бөлімшесінде механик, бригадир, №2-бөлімшенің басқармасы, өндірістік істер жөніндегі директордың орынбасары (1988 – 94), бас инженер (1994 – 97) жұмыстарын атқарған. «Шұбар» шаруа қожалығының басшысы. Шалқар ауданы ауыл шаруашылық бірлестігінің директоры (1997 – 98), «Барыс» ЖШС директорлар кеңесінің төрағасы (1998 – 2000), Шұбар аудандық округінің әкімі (2000 – 01), Сандықтау ауданы «Подлесное» ЖШС-тің директоры (2001 – 03), Сандықтау ауданының әкімі (2003 – 04), Қорғалжын ауданы «Ақмол 2003» ЖШС-тің директоры, Ақмола облысы табиғатты пайдалану басқармасының бастығы (2004 – 05), Ақмола облысы сәулет-құрылыс мемлекеттік бақылау басқармасының бастығы (2005 – 06) қызметтерінде болған. 2006 жылдан Еңбекшілдер ауданының әкімі. Медальмен марапатталған.

«Нұр Отан» ХДП аудандық филиалының төрағасы (2006 жылдан). «Қазақстан Конституциясына 10 жыл» (2005), «Тыңға 50 жыл» (2005) медальдарымен; ҚР Құрмет грамотасымен марапатталған.

Әскери атағы - запастағы аға лейтенант.
Діни көзқарасы - «Барлық діндөрге құрметпен қарайды».
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Өркендеген Қазақстанды көру».
Хоббиі - аңшылық.
Сүйіп оқитын әдебиеті - тарихи әдебиет.

Үйленген. Жұбайы - Хамитова Райхан Рахымжанқызы, үй шаруасында. Қыздары - Анар (1988 жылы туған), Айғаным (1989 жылы туған), Зибаш (1993 жылы туған), Әлия (1997 жылы туған), Жәмилә (2008 жылы туған); ұлы - Болат (1996 жылы туған).<ref>Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2</ref>

Дереккөздер

<references/>

{{#invoke:Message box|ambox}}{{#if:||{{#if:||}}}}

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub