Судың органолептикалық қасиеттері

Судың органолептикалық қасиеттері — судың иісінің, дәмінің және ондағы тасынды қоспалардың сипаттамалары. Олар адамға жағымсыз әсер етеді. Бұл қасиеттер баллмен бағаланады. Су пайдаланудың тұрмыстық жағдайда судың иісі 2 баллдан аспауы қажет. Судың дәмін анықтау үшін де осыған ұқсас көрсеткіш қолданылады. Әдетте, судың дәмдік қасиеттері оның иістік қасиеттерінің шегінен асқанда көрініс береді. Ауыз су ретінде пайдаланылатын су көздері үшін судың түсі 20 см түтікшеде, ал басқа жағдайлардың бәрінде — 10 см түтікшеде байқалмауы шарт.

Судың оттекпен байытылуы

Судың оттекпен байытылуы — оттектің атмосферадан және өсімдіктердің фотосинтез процесінде бөлінуі арқылы судың оттекпен байытылуы. Судағы оттектің азаюы органикалык заттардың тотығуына жұмсалуынан (су ағзаларының тыныстауы, ашуы, органикалық қалдықтардың шіруі) болады. Су үздіксіз қозғалыста бола отырып, жер бетінде өтіп жатқан барлық процестерге қатысады.<ref>Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.</ref>

Дереккөздер

<references/>