Оралхан Камардинов

Оралхан Камардинов (20 наурыз 1929 жыл, Шымкент — 17 шілде 2006 жыл, Шымкент) — физика-математика ғылымдарының кандидаты (1967), педагог, ғалым.

Өмірбаяны

• 1945 жылы Шымкент мұғалімдер институтын (қазіргі Оңтүстік Қазақстан педагогикалық университеті), 1950 жылы Қызылорда педагогикалық институтын бітірген.
• 1950–1953 жылдары — орта мектептерде мұғалім, оқу ісінің меңгерушісі, директор қызметтерін атқарды.
• 1953–1970 жылдары — Қазақ химия-технология институтында (қазіргі Оңтүстік Қазақстан университеті) аға оқытушы, доцент, кафедра меңгерушісі, декан.
• 1970–1987 жылдары — Қызылорда педагогикалық институтының ректоры.
• 1987–1994 жылдары — осы институттың доценті.
• 1994 жылдан бастап — Халықаралық Қазақ-түрік университетінің Шымкент институтында қызмет атқарған.

Ғылыми еңбектері

Оралхан Камардинов 60-тан астам ғылыми еңбектің авторы. Оның ішінде информатика пәні бойынша 10-нан астам оқулық пен оқу құралдарын жазған.

Марапаттары

• «Құрмет Белгісі» ордені
• Бірнеше КСРО медальдары<ref>СЫР ЕЛІ. Энциклопедия / Бас ред. Б.С. Каримова. 2-басылым. – Алматы: «Тау-Қайнар» ЖШС, 2023. ISBN 978-601-7059-54-5</ref>