Одақтан Біріккен Ұлттар Ұйымына

Одақтан Біріккен Ұлттар Ұйымына 1992 жылы 2 наурызда БҰҰ Бас Ассамблеясының ғимараты жанында Әзірбайжанның, Арменияның, Қазақстанның, Қырғызстанның, Молдованың, Тәжікстанның, Түрікменстанның және Өзбекстанның тулары желбіреді. Олар қатар тұрған тутұғырларында не бары бір күн ғана бірге желбіреді, ал екінші күні оларды латын әліпби әріптерінің орналасу реті бойынша бөлектеп қайта ілді. Егер БҰҰ-ға жаңа мемлекет қабылданса, онда тутуғырларының ұзыннан ұзақ қатарынан Бас Ассамблея ғимаратына делегаттар кіретін есіктің тура алдында — көрнекті жерде тұрған бір тутұғыр алдын ала босатылады. Қабылданатын күні сол тутұғырға әліпби тәртібін бұзып, бірақ қабылдау сәтінің салтанаттылығы ескеріліп, "жаңа Мемлекеттің" ұлттық туын тұңғыш рет көтереді. Егер қабылданатын "жаңа мемлекеттер" бірнешеу болса, онда ортада орналасқан тутұғырдың тиісті санын босатады. (сөйтіп, араға бірнеше секунд салып барып бірден бірнеше жаңа тулар аспанға көтеріледі.

Бұл жолы бірден тоғыз тутұғырды босатуға тура келді. БҰҰ-ның Бас хатшысы Бутрос Гали туларды көтеруге бұйрық берді. Олардың ішінде Молдова туы бірінші болды. Әліпби тәртібі бойынша емес, оның себебі Молдова "жаңадан қабылданатын мемлекеттер" ішіндегі салтанатты рәсімге өз Президентін жіберген жалғыз республика болып шықты. Қалғандары дәрежесі төмен өкілдерін жіберумен шектелген екен. Ал Тәжікстаннан салтанатқа ешкім қатысқан жоқ. Біріккен Ұлттар Ұйымының байырғы мүшелері бұған таң қалысты. "Мемлекетті БҰҰ-ға қабылдағанда оның өкілінің болмағандығын бұрын-соңды көріп тұрғанымыз осы",—десті олар. Рас, келесі күні министрі де келді-ау. Ұшақтың кесірінен кешіккен екен. БҰҰ-ның жаңа мүшелерінің туын көтеру салтанатына көрермендер әрқашан да көп жиналады. Айтатыны жоқ, көңіл толтырар сәт. Өйткені ол көптеген әрекеттердің тарихына тек бір-ақ рет болатын жайт. Кейбір делегациялардың өкілдері сирек те болса басшылықтың әр түрлі себептерге байланысты бір туды басқасымен алмастыру жөніндегі шешімін мәлімдейді. Мұндай жағдайда бұрынғы ту түсіріліп, сақтауға жіберіледі де, ал келесі күні жаңасы көтеріледі. Өткен күзде Украинаның, одан кейін Беларусьтің ескі тулары жаңа тулармен осылайша алмастырылды. 1991 жылы 24 желтоқсанда штаб-пәтердің алдында Кеңестер Одағының мемлекеттік туы түсірілді. Оның орнына КСРО-ның БҰҰ-дағы мүшелігін жалғастырған Ресейдің үш түсті туы көтерілді. Кеңес туы латын әліпбиі бойынша америка және ағылшын туларымен бірге орналасса, ал Ресейлік ту Румыния мен Руанданың арасында орналасты.<ref>Қазіргі дүние географиясы: Хрестоматия. Жалпы білім беретін мектептің қоғамдық-гуманитарлық бағытындағы 11-сыныбына арналған оқу құралы. / Қ. Ахметов, Т. Увалиев, Г. Түсіпбекова. - Алматы: "Мектеп" баспасы, 2007. ISBN 9965-36-216-5</ref>

• Flag of Azerbaijan.svg

  Әзірбайжан

• Flag of Armenia.svg

  Армения

• Flag of Kazakhstan.svg

  Қазақстан

• Flag of Kyrgyzstan.svg

  Қырғызстан

• Flag of Moldova.svg

  Молдова

• Flag of Tajikistan.svg

  Тәжікстан

• Flag of Turkmenistan.svg

  Түрікменстан

• Flag of Uzbekistan.svg

  Өзбекстан

Дереккөздер

<references/>

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}

{{#invoke:Message box|ambox}}{{#if:||{{#if:||}}}}

{{#ifeq:|Үлгі

| Бұл үлгі мақалаларды автоматты түрде Үлгі:C қосады. {{#ifeq:Одақтан Біріккен Ұлттар Ұйымына|Документация||}}{{#if::Санат:Үлгілер:Аяқталмаған мақалалар|}} |{{#if:||{{#if::Санат:Үлгілер:Аяқталмаған мақалалар|}}}} }}