Нұрша Алжанбайқызы Оразахынова

Нұрша Алжанбайқызы Оразахынова (6 қараша 1957 жыл, Алматы облысы, Райымбек ауданы, Бөлексаз ауылы) — қазақстандық ғалым, педагогика ғылымдарының докторы, профессор.<ref>Үлгі:Cite web</ref> ҚР Кіші ғылым академиясының вице-президенті, Ресей жаратылыстану ғылымдары академиясының корреспондент-мүшесі. Қазақ тілін оқытудағы инновациялық «Сатылай кешенді оқыту» технологиясының авторы.<ref>Үлгі:Cite web</ref>

Өмірбаяны

1957 жылдың 6 қарашасында Алматы облысы, қазіргі Райымбек ауданы, Бөлексаз ауылында дүниеге келген.

• 1974 жылы орта мектепті бітіріп, 1976 жылы Абай атындағы ҚазҰПУ-ға оқуға түседі.
• 1980 жылы қазақ тілі мен әдебиеті мұғалімі мамандығын үздік дипломмен бітірген.
• 1980-1981 жж. — Алматы қаласындағы №63 орыс мектебінде қазақ тілі пәнінің мұғалімі.
• 1982-1987 жж. — Атырау облысы, Жылой ауданы, Ақкиізтоғай орта мектебінде мұғалім.
• 1993 жылы «Пәнаралық байланыс – оқу-тәрбие процесін жетілдірудің бір жолы» (қазақ тілі пәнін оқытуда) атты тақырыпта кандидаттық диссертация қорғады.
• 2007 жылдың желтоқсанында «Жалпы білім беретін орта мектепте қазақ тілін сатылай кешенді талдау технологиясымен оқытудың ғылыми-әдістемелік негіздері» атты тақырыпта докторлық диссертация қорғап, 2008 жылы профессор атағын алды.<ref>Үлгі:Cite web</ref>

Қызмет жолы

• 1998-2003 жж. — Құрманғазы атындағы Қазақ ұлттық консерваториясында қазақ және шетел тілдер кафедрасын басқарды.
• 2000 жылдан бастап — ҚР Кіші ғылым академиясының вице-президенті.
• 2003 жылдан бастап — Абай атындағы ҚазҰПУ-да аға ғылыми қызметкер, кейіннен кафедра профессоры.
• 2006-2007 жж. — Алматы облыстық мамандар кәсібін дамыту институты директорының ғылыми-әдістемелік жұмыстары жөніндегі орынбасары, директордың міндетін атқарушы.

Ғылыми жұмыстары

Нұрша Оразахынова — 190-нан астам ғылыми-әдістемелік еңбектің, соның ішінде монографиялар мен оқулықтардың авторы. Оның негізгі еңбектері «Сатылай кешенді оқыту» технологиясын теориялық және практикалық тұрғыдан негіздеуге бағытталған.

Монографиялары мен оқу құралдары

• «Сатылай кешенді талдау технологиясының ғылыми-әдістемелік негіздері» (Монография). Алматы: «Дайыр», 2007. — 289 бет.
• «Тіл білімі салаларын сатылай кешенді талдау». Оқу құралы. Алматы: «Дайыр баспа», 2017. — 275 бет.
• «Практикалық қазақ тілі». Оқу құралы. Алматы: «Дайыр», 2009. — 252 бет.
• «Нормативті қазақ тілі». (Ф.Ш. Оразбаевамен бірге). Абай атындағы ҚазҰПУ, 2010. — 274 бет.
• «Қазақ тілін оқыту әдістемесі». Оқулық. Қарағанды: «Medet Group», 2016. — 26,5 б.т. (Авторлық ұжым).
• «Тілдік бірліктерді сатылай кешенді талдау». Алматы: «Дайыр баспа», 2024. — 231 бет.
• «Білім — ой азығы». Алматы: «Дайыр баспа», 2026. — 294 бет.

Оқулықтар мен әдістемелік кешендер

• «Қазақ тілі. Сөз мәдениеті» (10-сынып, жаратылыстану-математика бағыты). Алматы: «Мектеп», 2006, 2010, 2014.
• «Сатылай комплексті талдау. Қазақ тілі». Алматы: «Телеарна», 2006. — 303 бет.
• «Фонетикалық бірліктерді сатылай кешенді талдау». Оқу-әдістемелік кешен. Алматы, 2012, 2016.

Маңызды ғылыми мақалалары

• «Сатылай кешенді талдау технологиясының педагогикалық негізі» // «Ұлағат» журналы, №3, 2009.
• «Known-for: Применение технологии «поуровневого комплексного анализа» в системе образования Казахстана» // Международный журнал прикладных и фундаментальных исследований, №8, 2013.
• «Функционалдық сауаттылықты жүзеге асыру жолдары» // «Қазақ тілі мен әдебиеті» журналы, №2, 2013.
• «Рухани жаңғыру жағдайында «Сатылай кешенді оқыту» технологиясы мен жаңартылған білім беру мазмұнының үйлесімділігі» // «Білім технологиялары» журналы, №3, 2018.

Марапаттары

• Ерен еңбегі үшін медалі (2025)
• «Ахмет Байтұрсынұлы» төсбелгісі (2022)
• Абай атындағы ҚазҰПУ «Үздік ұстаз» төсбелгісі (2017)
• Райымбек ауданының «Құрметті азаматы» (2015)
• Ыбырай Алтынсарин төсбелгісі (2013)
• Білім беру ісінің құрметті қызметкері төсбелгісі (2004)