Надежда Васильевна Дубовицкая

Үлгі:Жеңіл атлетші Үлгі:Медальдар Надежда Васильевна Дубовицкая (12 наурыз 1998, Семей, Шығыс Қазақстан облысы, Қазақстан) — биіктікке секіруге маманданған қазақстандық жеңіл атлетші. Жабық ғимараттағы әлем чемпионатының, Азия ойындарының, жазғы Азия чемпионатының және жабық ғимараттағы Азия чемпионатының жүлдегері. Биіктікке секіру бойынша Азия рекордшысы (ашық стадиондарда да, жабық ғимараттарда да). Қазақстан Республикасының халықаралық дәрежедегі спорт шебері.

Өмірбаяны

1998 жылы 12 наурызда Семей қаласында дүниеге келген. Ол жергілікті №2 олимпиадалық резервтегі мамандандырылған балалар-жасөспірімдер спорт мектебінде оқыды. Көп жылдар бойы Иван Сергеевич Хижняков пен Елена Леонидовна Хижнякова жаттықтырушысы болды. Содан кейін Дубовицкая КСРО рекордсмені Михаил Фроловтың басшылығына келді<ref>Н.В. Дубовицкая Үлгі:Deadlink «Қазақстан Республикасының Жеңіл атлетика федерациясы» РҚБ</ref>.

Надежда Altay Athletics тобының намысын қорғайды. Халықаралық деңгейде жастайынан өнер көрсете бастады. 2016 жылы жеңіл атлетикадан жасөспірімдер арасындағы әлем чемпионатына қатысты. 2017 жылы Азия чемпионатына қатысып, 6-орынға ие болды. 2018 жылы жабық ғимараттағы Азия чемпионатында және Азия ойындарында қола жүлдеге ие болып, ірі жарыстарда алғашқы медальдарын жеңіп алды.

2021 жылы 8 маусымда биіктікке секіруден Азия рекордын орнатты. Рекордтық әрекетте Надежда Дубовицкая 2,00 м биіктікті бағындырып, Марина Айтованың нәтижесінен 1 см-ге асып түсті. Дубовицкая Токиода өткен жазғы Олимпиада ойындарына қатысты. 2022 жылдың 19 наурызында жабық ғимараттағы әлем чемпионатында 1,98 м көрсеткішті бағындырды, бұл қысқы чемпионаттардағы жаңа Азия рекорды және Қазақстан үшін рекорд болды. Сондай-ақ бұл секіріс оған Белградта өткен қысқы әлем чемпионатында «қола» алуға мүмкіндік берді<ref>Үлгі:Cite web</ref><ref>Үлгі:Cite web</ref>.

Жабық ғимараттағы Азия чемпионатының жеңімпазы (Астана, 2023).

Жеңіл атлетикадан әлем чемпионатының финалисті (Будапешт, 2023)<ref>Үлгі:Cite web</ref>.