Марат Кенжетайұлы Оңғарбеков

Марат Кенжетайұлы Оңғарбеков 1959 жылы 16 наурызда Орал облысы Жымпиты ауданының Бұлдырты кентінде туған. Қазақ. Әкесі - Оңғарбеков Кенжетай, «Бұлдырты» кеңшарында 20 жыл бойы жұмыс істеген. Анасы - Есенғалиева Рахима, зейнеткер, мұғалім болып жұмыс істеген. Орал ауылшаруашылық институтының агрономия факуль- тетін бітірген (1981), ғалым-агроном. Қазақ және орыс тілдерін біледі. «Нұр Отан» ХДП мүшесі. «Батыс Қазақстандағы ауылшаруашылық дақылдарын өсірудің ресурс үнемдеуші технологиялары» (2009), «2010 жылғы Батыс Қазақстан облысының қожалықтарындағы көктемгі егісті өткізу және егістіктерді бақылау бойынша ұсынымдар» (2010) мақалаларының тең авторы. 1981 жылдан - Орал облысы Жымпиты ауданының «Бұлдырты» кеңшарында бөлімше агрономы, 1984 жылдан - №3 бөлімше бастығы. 1985 жылдан - Орал облысы Жымпиты ауданы «Жосалы» кеңшарының бас агрономы. 1987 жылдан - Орал облысы Жымпиты ауданының агроөнеркәсіптік бірлестігінің бас агрономы. 1990 жылдан - «Бұлдырты» кеңшарының бас агрономы. 1991 жылдан- Орал облысы Жымпиты ауданындағы Бұлдырты ұжымдық кәсіпорнының бас агрономы. 1997 жылдан - Батыс Қазақстан облысы Сырым ауданы әкімінің бірінші орынбасары. 2000 жылдан - Батыс Қазақстан облысы Сырым ауданының әкімі. 2006 жылдың қазанынан бөрі - Батыс Қазақстан облысы Ауыл шаруашылығы басқармасының бастығы. «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған. Әскери атағы - запастағы аға лейтенант. Діни көзқарасы - «Дінге толеранттық көзқараста». Саяси қайраткер ретіндегі идеалы- Н.Ә. Назарбаев. Қазақстанның болашағы туралы болжамы - «Қазақстанның тұрақты әлеуметтік-экономикалық дамуы». Хоббиі - спорт, аңшылық, балық аулау. Сүйіп оқитын әдебиеті - классикалық әлемдік және қазақ әдебиеті. Үйленген. Жұбайы - Ысқақова Марта Шахабайқызы, жеке кәсіпкер. Қызы - Оңғарбекова Рамина Маратқызы; ұлдары - Оңғарбек Ерболат Маратұлы, Оңғарбек Ерназар Маратұлы.<ref>Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2</ref>

Дереккөздер

<references/>

{{#invoke:Message box|ambox}}{{#if:||{{#if:||}}}}

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub