Макроиондар
Қазақ Энциклопедиясы жобасынан алынған мәлімет
Макроиондар — құрамында ионды функционалды топтары бар макромолекулалар. Олар полиқышқылдар, полинегіздер және полиамфолиттер болып бөлінеді. Макроиондар табиғи түрінде (нуклейн қышқылы, ақуыз, целлюлоза, т.б.) кездеседі және жасанды жолмен (синтетикалық макроиондар) алынады. Олар полярлы еріткіштерде жақсы ериді, электр тогын өткізеді, әр түрлі қосылыстармен белсенді әрекеттеседі. Макроиондар өнеркәсіпте, медицинада, фармацевтикада, т.б. кеңінен қолданылады.
