Жанпейіс Нұрмаханбетұлы Қобланов

Жанпейіс Нұрмаханбетұлы Қобланов - 1959 жылы 11 ақпанда Оңтүстік Қазақстан облысы Түлкібас ауданы Мақталы ауылында туған. Педагогика ғылымдарының кандидаты (1998).

Әкесі - Қобланов Нұрмаханбет (1911-1993). Анасы - Қобланова Хадиша Асанбайқызы (1925-1993).

Өмірбаяны

• Шымкент педагогикалық институтының дене тәрбиесі және спорт факультетін (1984), дене тәрбиесі және спорт пәнінің мұғалімі;
• Т. Рысқұлов атындағы Қазақ экономикалық университетінің қаржы және несие факультетін бітірген (2003), экономист-қаржыгер.
• Кандидаттық диссертациясының тақырыбы: «Болашақ дене тәрбиесі мұғалімдерінің танымдық қызметтерін белсенді ету».
• Халықаралық психология ғылымдары академиясының корреспондент мүшесі (2000 жылдан).
• М. Әуезов атындағы Оңтүстік Қазақстан мемлекеттік университетінің профессоры (2001 жылдан).
• 1984 жылдан - Шымкент дене тәрбиесі техникумының дене тәрбиесі мұғалімі, күндізгі оқу бөлімінің меңгерушісі, директор орынбасары.
• 1991 жылдан - М. Әуезов атындағы Оңтүстік Қазақстан мемлекеттік университетінің дене тәрбиесі, спорт және туризм факультетінің деканы.
• 2003 жылдан - «Қысқы спорт түрлерінен олимпиадалық дайындық орталығы» РМҚК директоры.
• 2006 жылдан бері - М. Әуезов атындағы Оңтүстік Қазақстан мемлекеттік университетінің Дене шынықтыру институтының директоры.

Еңбектері

• «Спорт әлемінің тарихы мен түсіндірме сөздігі» (Шымкент қаласы, 1999)
• «Спорт терминдерінің сөздігі мен тарихы» (Алматы қаласы, 2002)
• «Спорттық қызметтерді психологиялық қамтамасыздандыру» (Шымкент қаласы, 2004) кітаптарының;
• «Сутденттердің танымдық әрекеттерін үдету» монографиясының (Шымкент қаласы, 1998);
• 70-тен астам ғылыми мақалалар мен жарияланымдардың авторы.

Марапаттары

• ҚР Еңбек сіңірген жаттықтырушысы (1998).
• ҚР Білім беру ісінің үздігі (1998).
• ҚР спортының құрметті қайраткері (2003).
• ҚР БҒМ ҚР Білім беру ісінің Құрметті қызметкері (2008).
• ОҚО Түлкібас ауданының Құрметті азаматы.
• ҚазКСР спорт шебері (1982).
• Ы. Алтынсарин атындағы (2006)
• «Астананың 10 жылдығы» (2008) медальдарымен,
• «Қазақ күресін дамытуға зор үлес қосқан үшін» Дүниежүзілік «Қазақ күресі» федерациясының құрмет медалімен (2010);
• «ҚР дене тәрбиесі және спортын дамытудағы сіңірген еңбегі үшін» белгісімен (1997);
• ҚР БҒМ, ҚР ҰОК Құрмет грамоталарымен марапатталған.

Жеке қасиеттері

• Қазақ, орыс, неміс және ағылшын тілдерін біледі.
• «Нұр Отан» ХДП мүшесі (2005 жылдан).
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Әлемнің дамыған 50 елі қатарындағы мемлекет».
• Хоббиі - әдеби шығармаларды оқу, классикалық музыкаларды тыңдау.
• Сүйіп оқитын әдебиеті - тарихи әдебиет.
• Үйленген. Жұбайы - Қобланова Сәуле Сағындыққызы (1961 жылы туған). ұлдары - Ержан (1985 жылы туған), Жандос (1988 жылы туған), Нұржан (2000 жылы туған). Немересі - Аделина (2008 жылы туған).<ref>Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2</ref>

Дереккөздер

<references/>