Жанның тамағы

Жанның тамағы. Абай өзімізді қоршаған болмысты танып-білу қамында жан құмары арқылы ізденіп, жанымызды «өрістетіп, өрісімізді ұзартып, құмарланып жиған қазынамызды көбейтсек керек, бұл жанның тамағы еді...» дейді, яғни іштегі жан қуатымен жиған рухани қазынамыздың өзі де Абайда «ғибрәтлі» (үлгілі) және «нәфрәтлі» (жиіркенішті) болып екіге белінеді. «Ғылым таппай мақтанба» өлеңіндегі «бес асыл іс», «бес дұшпан» пеп отырғаны, бір жағынан жанның пайдалы тамағына жатса, екінші жағынан жанның зиянды тамағына жататынын байқаймыз. Ал Жүсіп Қарабағи болса, жанның пайдалы тамағына шын сеніп, жомарттық, ғылыми таным т.б. жатқызса, жанның зиянды тамағына күншілдік, сараңдық, өтірік және т.б. таңбалайды. Екі ойшыда да жанның тамағы жайлы танымның тамыры бір жерден шығып тұр. <ref>Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9</ref>

Дереккөздер

<references/>