Жанбибі Сенбайқызы Дүйсенбаева

Жанбибі Сенбайқызы Дүйсенбаева (1957 жылы туған, Маңғыстау ауданы Тұщыбек ауылы) – педагог, ғалым, филология ғылым кандидаты (1999), доцент. Қазақтың мемлекеттік педагогикалық институтының (қазіргі ҚазҰПУ) филология факультетін бітірген. 1983 жылдан Ақтау қаласындағы орта мектептерде және АқтМУ-де ұстаздық қызмет етіп келеді. Дүйсенбаеваның «Ә.Кекілбаев – суреткер» атты оқу құралы (2002), «Махамбет және Маңғыстау» (Ә.Спанмен бірлесіп жазған, 2003) кітабы, «Ұлы даланың ұланғайыр мұрасы» зерттеу еңбегі (2006), «Ә.Кекілбаев шығармаларындағы тарихи тағылым» атты моногр. еңбегі (2007) және 150-ге тарта ғылыми мақалалары жарық көрген. ҚР «Халық ағарту ісінің үздігі» (1997). Махамбет атындағы сыйлықтың лауреаты (2003). ҚР Білім минстрлігінің Құрмет грамотасымен марапатталған (1999).<ref>«Маңғыстау» энциклопедиясына, Компьютерлік-баспа орталығы, 2007 </ref> <ref>«Қазақ Совет энциклопедиясы» (12 томдық), Алматы, 1972 – 1978; </ref> <ref>Маңғыстау энциклопедиясы, Алматы, 1997; </ref>

Дереккөздер

<references/>