Жамбыл Ошақбайұлы Тобаяқов

Қазақстан Энциклопедиясы жобасынан алынған мәлімет

Жамбыл Ошақбайұлы Тобаяқов (16.8.1936 ж., Алматы облысы, Қарасай ауданы, Тұрар ауылы – 1997 ж., Алматы) - ғалым, физика-математика ғылымдарының кандидаты (1974), профессор (1992).

Өмірбаяны

1952 жылы Алматы облысындағы бұрынғы Гвардия ауданындағы Қоғалы орта мектебін, 1957 ж. ҚазМУ-ді бітірген. Еңбек жолын Алматы облысындағы Калинин орта мектебінде мұғалім ретінде бастаған. Алматы құрылыс техникумында (1958-63), Қазақ ауыл шаруашылығы институтында (1963-68), ҚазПТИ-да (1968-74; 1996-97), Алматы энергетика институтында (1974-84; 1994-96), Қарағанды педагогикалық институтында (1964-74) ұстаздық етіп, жауапты қызметтер атқарды.

Ғылыми жұмыстары

Жамбыл Тобаяқовтың ғылыми жұмыстары плазматрондардың жылулық-физикалық қасиеттерін зерттеуге арналған. Бірнеше ғылыми-танымдық жинағы, монографияларымен оқулықтары жарық көрген. Мысалы «Астарлы аспан» (1969), «Лекционный эксперимент по физике» (1985), «Электр және магнетизм» (1987), «Физикалық түсіндірме сөздік» (1991), т.б.

Марапаттары

Бірнеше медальдармен марапатталған. Қазақстан Республикасының "ҚР Әкімшінің-жергілікті орналасу" заңының 10 бабына және Алматы облысы Әкімнің 25-сәуір 1999жылы №441 қаулысына сәйкес Голубиновка орта мектебіне 1994 жылы - белгілі ғалым, профессор Жамбыл Тобаяқовтың есімі берілді.<ref>Жетісу, Энциклопедия. – Алматы: «Арыс» баспасы, 2004.</ref>

Дереккөздер

Үлгі:Дереккөздер