Жаманесіл

Жаманесіл – Есілдің оң саласы. Астрахан ауданы жерінде. Тобылжан а-нан батысқа қарай 4 километр жерде Есілдің негізгі арнасынан бөлініп шығып Қаратүбек ауданынан төменде 1 километр жерде қайта қосылады. Ұзындығы 29 километр Тарамдардан, ескі арналардан тұратын жайылмасы су тасқыны кезінде су астында қалады. Оның кейбір телімдерінде шағын көлдер пайда болады. Ж-дің арнасы ирелеңдеген, жағалаулары жайпақ келеді. Суы қарашада қатып, сәуірдің 1-онкүндігінде ериді. Қар, жер асты суларымен толығады. Жайылманың құнарлы шалғын топырағында әртүрлі астық тұқымдас шөптесіндер өседі. Оларды ауданы ауыл шаруашылығы бірлестіктері пайдаланады. Суы мал суаруға жарамды.<ref name="Source 1">Қазақ Энциклопедиясы</ref>

Пайдаланылған cілтемелер

<references/>