Ебелектің елу аңғары
Қазақ Энциклопедиясы жобасынан алынған мәлімет
Ебелектің елу аңғары – Маңғыстау облысы Оңтүстік Үстірттегі Оғыланды тауының шығысындағы аңғар. Өзеннің ұзындығы шамамен 30 – 40 км. Үстірт қырына сұғына еніп жатқан бірнеше аңғар Ақса, Қызылсай а-дарынан басталып, Басқараған құдығына дейін жетеді. Етегіндегі негізгі су көздері: Несібектің Жаңасуы, Қызылсай, Бас Қараған. Қыр үстіне негізінен бұйырғын, ебелек өседі. Қазан айынан бастап қаңбақ болған ебелек желмен ұшып аңғарлар табанына толып, қыста тебіндеген жылқының азығына айналады. Ебелектің елу аңғары деп аталуы осыған байланысты.<ref>Қазақ энциклопедиясы </ref> <ref>«Маңғыстау өсімдіктерінің каталогы», Ақтау, 2006; </ref>
Дереккөздер
<references/>
