Дүңгілше

Дүңгілше (Turrіtіs) – орамжапырақтар тұқымдасына жататын бір жылдық шөптесін өсімдіктер туысы. Қазақстанда далалық, шөлді, таулы аймақтардың шалғынды жерлерінде, тастақты беткейлерінде, қарағайлы ормандарда, жол бойларында, егістіктердің арасында өсетін 1 түрі – жылтыр Д. (Т. glabra) бар. Биікт. 50 – 100 см. Сабағы тік өседі, сыртын түк басқан. Жапырақтары ұзынша, шеті тісті тілімденген. Тостағанша жапырақтарының негізі дорба сияқты. Күлтелері ақшыл сары түсті. Мамыр – маусым айларында гүлдеп, жемістенеді. Жемісі – екі қақпақшалы бұршаққын.

Дереккөздер

Қазақ энциклопедиясы