Досымжан Қарпықұлы Таңатаров

Өмірбаяны

Досымжан Қарпықұлы Таңатаров (1975 жылы 6 мамырда Жамбыл облысы Тұрар Рысқұлов ауданы, Құмарық ауылында туған) — қазақстандық эстрада әншісі. Қазақстанның еңбек сіңірген қайраткері (2009). Қазақстан Республикасы Президенті оркесторының жетекші әншісі (2000 жылдан). Дарын мемлекеттік жастар сыйлығының иегері.

Білімі

• Жамбыл технологиялық иниститутын бітірген. Мамандығы: инженер-технолог.

Шығармашылығы

Досымжан Таңатаровтың жеке ән қоры халық әндері, термелер және эстрада бағытындағы әндерден тұрады. "Құрала", "Шұбар ат", "Біздің елдің жігіттері", "Біз екеуміз", "Тау ішінде", "Ұмытуға бола ма?", "Әкетауым", "Аяулы анашым" және т.б көптеген әндері халыққа кеңінен тараған.

• 1997 жылы ең алғаш өнер жолын композитор Бағлан Омаровтың ән студиясында ән жаздырудан бастаған;
• 2004 жылы ең алғашқы жеке шығармашылық кешін Алматыда Республика сарайында және Астана қаласында өткізді;
• 2016 жылы Астанада Қазақстан Орталық концерт залында "Отаным десем" атты жеке шығармашылық кешін өткізді.
• 2000 жылдан Қазақстан Республикасы Президенті оркестрының жеке солисті, әншісі, жетекші әншісі.

Марапаттары

• 2008 жылы ҚР Үкіметінің Дарын мемлекеттік жастар сыйлығының иегері.
• 2009 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталған.