Ботагөз батыр Есетқызы

Үлгі:Тұлға Ботагөз батыр (1719–1747) — қазақтың аңызға айналған қаһарман қызы, Тама Есет Көкіұлының қызы және Ақкете Әжібай бидің келіні.

Отбасы

Ботагөз — Тама Есет Көкіұлының қызы және Ақкете Әжібай бидің келіні. Деректер бойынша Ботагөз Әжібай бидің әулетіне ұзатылып, ел ішінде көркімен, әдептілігімен және кішіпейілдігімен танылған. Ол барған жерінде үлкенге де, кішіге де сыйлы келін атанып, Әжібай би әулетінің беделді мүшелерінің бірі болған. Әжібай би қайырымдылығымен және ел ішіндегі бірлікті нығайтуға қосқан үлесімен белгілі тұлға болған. Оның шаңырағында түрлі рулар мен ұлт өкілдері тату-тәтті өмір сүріп, ауыл ел арасында ынтымақтың үлгісі ретінде танылған. Ботагөз туралы мәліметтер негізінен Есет батыр мен Әжібай би әулетіне қатысты тарихи деректер мен ауызша шежірелерде сақталған.

Ерлігі

Ботагөз батыр — Тама Есет Көкіұлының қызы. Тарихи аңыздар мен шежірелерде оның батылдығы мен ел қорғаудағы ерлігі туралы айтылады. 1742 жылдың көктемінде Есет батыр Әбілқайыр ханның шақыруымен ел ісімен кеткен кезде, қалмақ жасақтары оның ауылына шабуыл жасап, жылқысын айдап әкетеді. Қуғынға шыққан Қарабас ақсақал бастаған топ қаза тапқаннан кейін, Ботагөз шамамен 150 қарулы азаматты ұйымдастырып, жауға қарсы жорыққа шығады. Аңыз бойынша, Ботагөз жасақты екі топқа бөліп, қоршау тәсілін қолданған. Қарабура ұранымен шабуылға шыққан қазақ жасақтары қалмақтарды жеңіп, олардың қолбасшысы Қоңтәжіні тұтқынға түсірген. Ел аузындағы деректерде Қоңтәжіні бұғалықпен ат үстінен құлатқан Ботагөздің өзі болғаны айтылады. Бұл оқиға Ботагөз батырдың ерлігі туралы халық жадында сақталған аңыздардың бірі болып табылады.<ref>Үлгі:Кітап</ref><ref>Үлгі:Кітап</ref>